തൃശൂര്‍: കാണാതായ ആണ്‍കുട്ടിയുടെ മൃതദേഹം പള്ളിക്കുളത്തില്‍ നിന്നു കണ്ടെത്തി. വട്ടേക്കാട് സ്വദേശി കണ്ടരാശേരി വീട്ടില്‍ സുബൈറിന്റെ മകന്‍ മുഹമ്മദ് റസലിനെയാണ് (14) മുങ്ങി മരിച്ച നിലയില്‍ പള്ളിക്കുളത്തില്‍ കണ്ടെത്തിയത്. ഒരുമനയൂര്‍ തെക്കേതലക്കല്‍ ജുമാഅത്ത് പള്ളിയുടെ പള്ളിക്കുളത്തിലാണ് മൃതദേഹം ഉള്ളത്. സുഹൃത്തുമായി പള്ളിക്കുളത്തില്‍ കുളിക്കാന്‍ ഇറങ്ങിയ റസല്‍ മുങ്ങി മരിക്കുകയായിരുന്നു.

ഇന്നലെ വൈകിട്ട് കുട്ടിയെ കാണാതായതിനെ തുടര്‍ന്ന് ബന്ധുക്കള്‍ പൊലിസില്‍ പരാതി നല്‍കിയിരുന്നു. മൊബൈല്‍ ടവര്‍ ലൊക്കേഷനില്‍ കുട്ടിയുടെ മൊബൈല്‍ ചുള്ളിപ്പാടം പരിസരത്തെ ടവര്‍ ലൊക്കേഷനില്‍ ഉള്ളതായും കണ്ടെത്തി. തുടര്‍ന്നാണ് പൊലിസും നാട്ടുകാരും മറ്റും പരിശോധന നടത്തിയത്.

പള്ളിക്കുളത്തിനു സമീപത്ത് ചെരിപ്പും ഡ്രെസ്സും മൊബൈല്‍ ഫോണും ഇരിക്കുന്നത് കണ്ടതിനെ തുടര്‍ന്ന് സമീപത്തെ സിസിടിവി പരിശോധന നടത്തിയപ്പോഴാണ് റസലും കൂട്ടുകാരനും ചേര്‍ന്ന് കുളിക്കാന്‍ വരുന്നതും കൂട്ടുകാരന്‍ പിന്നീട് ഓടി പോകുന്നതിന്റെയും ദൃശ്യങ്ങള്‍ കണ്ടെത്തിയത്. 

പുലര്‍ച്ചെ ഗുരുവായൂരില്‍ നിന്നു ഫയര്‍ഫോഴ്‌സിനെ വിളിച്ചുവരുത്തി കുളത്തില്‍ തെരച്ചില്‍ നടത്തുകയായിരുന്നു. തുടര്‍ന്നാണ് മൃതദേഹം കണ്ടെത്തിയത്. കുളിക്കുന്നതിനിടയില്‍ റസല്‍ കുളത്തില്‍ മുങ്ങിത്താഴ്ന്നു പോവുകയായിരുന്നു. ഇതു കണ്ട കൂട്ടുകാരന്‍ ഭയന്നു ഓടി പോകുകയും വിവരം പുറത്തു പറയാതിരിക്കുകയുമായിരുന്നു. മൃതദേഹം ചാവക്കാട് താലൂക്കാശുപത്രി മോര്‍ച്ചറിയിലേക്ക് മാറ്റി. പോസ്റ്റ്‌മോര്‍ട്ടത്തിനുശേഷം ബന്ധുക്കള്‍ക്ക് വിട്ടുകൊടുക്കുന്നതാണ്. 

The body of 14-year-old Muhammad Rasal, son of Subair from Kandarassery house in Vattekkad, Thrissur, was recovered from a mosque pond (Pallikkulam) near the Thekkethalakkal Juma Masjid in Orumanayur. Rasal had gone missing yesterday evening after reportedly entering the pond with a friend to swim.After his disappearance, the family filed a police complaint. Based on mobile tower data, his phone was traced to the Chullipadam area. A search was initiated by the police and locals.