റിയാദ്: ക്രിമിനൽ ഗൂഢാലോചന, വഞ്ചന എന്നീ കേസുകളിൽ സിബിഐയുടെ പിടികിട്ടാപ്പുള്ളിയായ ഇന്ത്യക്കാരി ഷീല കല്യാണി എന്ന മണികണ്ഠത്തിൽ തെക്കെത്തിയെ സൗദി അധികൃതർ നാടുകടത്തി. ഇന്റർപോളിന്റെ പിന്തുണയോടെ സിബിഐ, വിദേശകാര്യ മന്ത്രാലയം (എംഇഎ), ആഭ്യന്തര മന്ത്രാലയം (എംഎച്ച്എ) എന്നിവ ഏകോപിച്ചു നടത്തിയ നീക്കത്തിനു ഒടുവിൽ ആണ് നാടുകടത്തൽ. ഇവർ വ്യാഴാഴ്ച ഇന്ത്യയിലെത്തിയതായി സിബഐ പ്രസ്താവനയിൽ സ്ഥിരീകരിച്ചു.

 അന്താരാഷ്ട്ര ട്രാക്കിംഗും സഹകരണവും പ്രാപ്തമാക്കുന്ന ഇന്റർപോൾ വഴി 2023 ഒക്ടോബർ 5 ന് ഇവർക്കെതിരെ റെഡ് നോട്ടീസ് പുറപ്പെടുവിച്ചിരുന്നു. ഈ മുന്നറിയിപ്പിന്റെ അടിസ്ഥാനത്തിൽ സിബിഐ ഉദ്യോഗസ്ഥരുടെ ഒരു സംഘം സൌദി അറേബ്യയിലേക്ക് പോകുകയും അവർക്ക് ഇന്ത്യയിലേക്ക് മടങ്ങാൻ സൗകര്യമൊരുക്കുകയും ചെയ്തു.

പിടികിട്ടാപ്പുള്ളികളായ ഒളിച്ചോടിയവരെ കണ്ടെത്തുന്നതിനും അറസ്റ്റ് ചെയ്യുന്നതിനുമായി ഇന്റർപോൾ പ്രസിദ്ധീകരിച്ച റെഡ് നോട്ടീസുകൾ ആഗോളതലത്തിൽ നിയമ നിർവ്വഹണ ഏജൻസികളുമായി പങ്കിടാറുണ്ട്.

ഇന്റർപോളിനായുള്ള ഇന്ത്യയുടെ ദേശീയ കേന്ദ്ര ബ്യൂറോയായി പ്രവർത്തിക്കുന്നത് സിബിഐ ആണ്. സമീപ വർഷങ്ങളിൽ ഇന്റർപോൾ ചാനലുകൾ വഴി 130ലധികം പിടികിട്ടാപ്പുള്ളികളായ കുറ്റവാളികളെ വിജയകരമായി ഇന്ത്യയിലേക്ക് തിരികെ കൊണ്ടുവന്നിട്ടുണ്ടെന്നും സിബിഐ പ്രസ്താവനയിൽ പറയുന്നു.

Saudi Arabian authorities have deported an Indian national, Manakandathil Thekkethi, also known as Sheela Kallyani, who was wanted by the Central Bureau of Investigation (CBI) in a case of criminal conspiracy and cheating. The deportation followed coordination between the CBI, the Ministry of External Affairs (MEA), and the Ministry of Home Affairs (MHA), with support from Interpol. The fugitive arrived in India on Thursday.