കോഴിക്കോട്: താമരശ്ശേരി ഫ്രഷ് കട്ട് ഫാക്ടറി സംഘര്‍ഷത്തിലെ പ്രതികള്‍ക്കായി അന്വേഷണം ഊര്‍ജിതമാക്കി. ആക്രമണം നടന്ന് രണ്ട് ദിവസമായിട്ടും പൊലിസിന് ആരെയും പിടികൂടാനായില്ല. സമരസമിതി നേതാക്കളടക്കമുള്ളവര് ഒളിവിലാണ്. സംഭവത്തില്‍ 30 പ്രതികള്‍ക്കെതിരെ ചുമത്തിയിരിക്കുന്നത് വധശ്രമക്കുറ്റവുമാണ്. കോഴിക്കോട് ജില്ലയില്‍ പ്രതിദിനം ഉണ്ടാകുന്നത് 100 ടണ്ണില്‍ അധികം ചിക്കന്‍ മാലിന്യങ്ങളാണ്.

അവധി ദിനങ്ങളിലും ആഘോഷ ദിവസങ്ങളിലും ഇത് ഇരട്ടിയാകുന്നുമുണ്ട്. സംസ്‌കരിക്കാന്‍ ഉള്ളത് താമരശ്ശേരിയിലെ ഏക കേന്ദ്രവും. എന്നാല്‍ ഫ്രഷ് കട്ട് സംസ്‌കരണ കേന്ദ്രത്തിന്റെ ശേഷി 30 ടണ്‍ മാത്രമാണ്. അതേസമയം ഫ്രഷ് കട്ട് ദിവസവും ശേഖരിക്കുന്നത് 100 ടണ്‍ മാലിന്യവും. അനുവദിച്ചതിലും അധികം മാലിന്യം ശേഖരിക്കുന്നത് പരിസ്ഥിതി പ്രശ്‌നത്തിനും കാരണമാവുന്നുണ്ട്. 

നിലവില്‍ മാലിന്യ സംസ്‌കരണ രംഗത്ത് പുതിയ സംരംഭങ്ങള്‍ക്ക് അനുമതി ലഭിക്കുന്നില്ലെന്നും പിന്നില്‍ പ്രത്യേക ലോബി പ്രവര്‍ത്തിക്കുന്നതായും ആരോപണങ്ങളും ഉയരുന്നു. അനുമതിക്കായി കാത്ത് നില്‍ക്കുന്നത് നിരവധി സംരംഭകരും. എന്നാല്‍ കോഴിക്കോടിന്റെ സമീപ ജില്ലകളില്‍ ഒന്നിലധികം സംസ്‌കരണ കേന്ദ്രങ്ങളും പ്രവര്‍ത്തിക്കുന്നുണ്ട്.

ഫ്രഷ് കട്ട് സംസ്‌കരണ കേന്ദ്രത്തിനെതിരെ പ്രതിഷേധങ്ങളും സമരങ്ങളും ശക്തമാകുമ്പോഴും, പുതിയ സംരംഭങ്ങള്‍ക്ക് ഭരണകൂടം അനുമതി നല്‍കുന്നുമില്ല. അനുമതി ലഭിക്കാത്തതിന് പിന്നില്‍ സ്ഥാപന ഉടമകളും ഉദ്യോഗസ്ഥരും രാഷ്ട്രീയക്കാരും ചേര്‍ന്ന ഇടപെടലുകളാണെന്നും ആരോപണം.

കോഴിക്കോട് ജില്ലയില്‍ പുതിയ കോഴിയിറച്ചി മാലിന്യ സംസ്‌കരണ കേന്ദ്രം തുടങ്ങാന്‍ അപേക്ഷ നല്‍കി വര്‍ഷങ്ങളായി കാത്തിരിക്കുന്നവര്‍ക്ക് അനുമതി ലഭിക്കാത്ത അവസ്ഥയാണ് നിലവില്‍.

Police have intensified the investigation into the Thamarassery Fresh Cut Factory clash in Kozhikode. Two days after the attack, no arrests have been made, and several protest committee leaders remain absconding. Attempt-to-murder charges have been filed against 30 accused in the case.Kozhikode district produces over 100 tonnes of chicken waste daily, which doubles during holidays and festive seasons. The only authorized waste processing unit in the area — the Fresh Cut processing plant in Thamarassery — has a capacity of just 30 tonnes per day, though it reportedly handles about 100 tonnes daily, raising environmental concerns.