പാലക്കാട്: പുലിയുടെ സാന്നിധ്യത്തെ തുടർന്ന് അട്ടപ്പാടിയിലെ മുള്ളി ട്രൈബൽ ജി.എൽ.പി. സ്കൂളിന് അവധി പ്രഖ്യാപിച്ചു. രണ്ടുദിവസമായി സ്കൂൾ പരിസരത്ത് പുലിയെ കാണുന്നുണ്ടെന്ന് അധ്യാപകരും രക്ഷിതാക്കളും സാക്ഷ്യപ്പെടുത്തിയതോടെയാണ് നടപടി.

അധ്യാപകരുടെ ക്വാർട്ടേഴ്സിനു മുന്നിലുണ്ടായിരുന്ന നായയെ കഴിഞ്ഞ ദിവസം പുലി പിടികൂടിയിരുന്നു. സംഭവത്തെ തുടർന്നാണ് സ്കൂളിന് നാളെ അവധി നൽകിയിരിക്കുന്നത്.

ALSO READ: ജമ്മു കശ്മീരിൽ റോഹിങ്ക്യൻ മുസ്‌ലിം അഭയാർഥികൾക്ക് നേരെ കടുത്ത നടപടി; ക്യാമ്പുകളിലെ വൈദ്യുതിയും ജലവിതരണവും വിച്ഛേദിക്കാൻ ഉത്തരവ്

അതേസമയം, പാലക്കാട് കാഞ്ഞിരപ്പുഴയിലും സമാനമായ സംഭവം റിപ്പോർട്ട് ചെയ്തിട്ടുണ്ട്. വാക്കോടൻ അംബികയുടെ വീട്ട് മുറ്റത്തുണ്ടായിരുന്ന വളർത്തുനായയെ മൂന്ന് ദിവസം മുമ്പ് പുലി കൊണ്ടുപോയിരുന്നു. ഇന്നലെ സിസിടിവി ദൃശ്യങ്ങൾ പരിശോധിച്ചപ്പോഴാണ് പുലിയാണ് നായയെ പിടികൂടിയതെന്ന വിവരം വീട്ടുകാർക്ക് മനസ്സിലായത്. ഈ പ്രദേശങ്ങളിലും പുലിയെക്കുറിച്ച് ജനങ്ങൾക്കിടയിൽ ആശങ്ക നിലനിൽക്കുന്നുണ്ട്.

Mulli Tribal GLP School in Attappadi, Palakkad, has been closed temporarily due to fear of a leopard, which recently dragged away a dog from in front of the teachers' quarters