ഇന്ന് ഫ്രിഡ്ജ് ഇല്ലാത്ത വീടുകള്‍ വളരെ കുറവായിരിക്കും. എന്തു സാധനം കിട്ടിയാലും ഫ്രിഡ്ജിലേക്കു വയ്ക്കുക എന്നൊരു ശീലവുമാണ് മലയാളികള്‍ക്ക്. ഭക്ഷണം കൂടുതല്‍ സമയം കേടാവാതെ വയ്ക്കാനും പച്ചക്കറികളും മീനും മുട്ടയും ഇറച്ചിയും പാലും എന്നുവേണ്ട ഒട്ടുമിക്ക എല്ലാ സാധനങ്ങളും നമ്മള്‍ സൂക്ഷിക്കുന്നത് ഫ്രിഡ്ജില്‍ തന്നെയാണ്.

 ഇത് ദീര്‍ഘകാലം കേടുവരാതെ ഇരിക്കാന്‍ വേണ്ടിയുമാണ് ഇങ്ങനെ ചെയ്യുന്നത്. അതുപോലെ അടുക്കളയിലെ ജോലി ഭാരം കുറക്കാനായി നമ്മള്‍ പച്ചക്കറികള്‍ അരിഞ്ഞ് ഫ്രിഡ്ജില്‍ സൂക്ഷിക്കുകയും ചെയ്യാറുണ്ട്. എന്നാല്‍ എന്തുമങ്ങനെ അരിഞ്ഞു ഫ്രിഡ്ജില്‍ വയ്ക്കാന്‍ പാടില്ല. അതിലൊന്നാണ് സവാള. സാവള അരിഞ്ഞു ഒരിക്കലും ഫ്രിഡ്ജില്‍ സൂക്ഷിക്കരുതെന്നാണ് ആരോഗ്യവിദഗ്ധരും പറയുന്നത്. എന്തായിരിക്കും ഇതിന്റെ കാരണം. നോക്കാം...

സവാളയിലുള്ള സള്‍ഫറാണ് അതിന് ഗന്ധമുണ്ടാക്കുന്നതും അരിയുമ്പോള്‍ കണ്ണില്‍ നിന്ന് വെള്ളം വരുന്നതിനു കാരണമാകുന്നതും. അരിഞ്ഞ സവാളയോ അല്ലെങ്കില്‍ ചെറിയ ഉള്ളിയോ ഫ്രിഡിജില്‍ സൂക്ഷിക്കുമ്പോള്‍ അതില്‍ ബാക്ടീരിയകള്‍ പെട്ടെന്നു വളരാന്‍ കാരണമാകും.

ALSO READ: വാട്ടര്‍മെലന്‍ ഡ്രിങ്ക്‌സ് ഇതുപോലെ ഉണ്ടാക്കി നോക്കൂ...

ഇതറിയാതെ പാകം ചെയ്ത് കഴിക്കുന്നത് വഴി നിങ്ങളുടെ വയറിന് അസ്വസ്ഥതകളോ മറ്റ് ബുദ്ധിമുട്ടുകളോ ഉണ്ടാവുന്നതാണ്. മാത്രമല്ല, അരിഞ്ഞുവച്ചരിക്കുന്ന ഉള്ളി കുറേ സമയം ഫ്രിഡ്ജില്‍ സൂക്ഷിക്കുമ്പോള്‍ അതിലെ പോഷകങ്ങളും നഷ്ടപ്പെടുന്നതാണ്.

ഉള്ളി അരിയുമ്പോള്‍ അതിന്റെ നീര് നമ്മുടെ കൈകളില്‍ പറ്റാറുണ്ട്. അത് വായുമായി സമ്പര്‍ക്കത്തിലേര്‍പ്പെടുന്ന സമയത്തും ബാക്ടീരിയകളുണ്ടാകുന്നതാണ്.

അറിഞ്ഞിരിക്കേണ്ടത് ഇക്കാര്യങ്ങള്‍

സവാള അരിഞ്ഞു ഫ്രിഡ്ജില്‍ സൂക്ഷിക്കണമെന്നുണ്ടെങ്കില്‍ ഏതെങ്കിലും പാത്രത്തിലാക്കി അടച്ചുവക്കാവുന്നതാണ്. വായു കടക്കാത്ത കണ്ടെയ്‌നറുകളാക്കി സൂക്ഷിക്കുന്നതും കൂടുതല്‍ കാലം കേടുവരാതിരിക്കാനും ഫ്രഷ് ആയി ഇരിക്കാനും സഹായിക്കുന്നതാണ്.

പോളിത്തീന്‍ കവറുകളിലാക്കിയും അരിഞ്ഞുവച്ച സവാള സൂക്ഷിക്കാവുന്നതാണ്. ഇങ്ങനെ ചെയ്യുന്നതിലൂടെ സവാള ഏറെക്കാലം കേടാകാതെ ഇരിക്കും.

ജോലിത്തിരക്കുള്ളവരോ മറ്റെന്തെങ്കിലും പരിപാടികള്‍ക്ക് തലേദിവസം രാത്രി സവാള അരിഞ്ഞു വയ്ക്കുന്നവരോ ആണെങ്കില്‍ തീര്‍ച്ചയായും ഒരു എയര്‍ടൈറ്റ് ഗ്ലാസ് കണ്ടെയ്‌നറില്‍ സൂക്ഷിക്കുന്നതാണ് ഏറ്റവും നല്ലത്. വായു കടക്കാത്ത പാത്രത്തില്‍ സൂക്ഷിക്കുന്നത് കൊണ്ടു തന്നെ സവാള കൂടുതല്‍ നേരം കേടുവരാതെ ഇരിക്കുന്നതാണ്.

സവാള മുറിച്ചു പകുതിയാക്കി ഫ്രിഡ്ജില്‍ വയ്ക്കുന്നവരുമുണ്ട്. ഇതും തെറ്റായ രീതിയാണ്. ഒരിക്കലും മുറിച്ചെടുത്ത സവാള തുറന്ന് ഫ്രിഡ്ജില്‍ വയ്ക്കരുത്. ഒരു പാത്രത്തില്‍ അടച്ചുവച്ച് മാത്രം മുറിച്ചെടുത്ത സവാള സൂക്ഷിക്കുകയും ഉപയോഗിക്കുന്നതുമാണ് നല്ലത്.

Nowadays, almost every household owns a refrigerator, and storing all kinds of food in it has become a habit. However, not everything should be refrigerated, and onions are one such example. Health experts warn that storing cut or sliced onions in the fridge can cause bacterial growth, as the sulfur compounds in onions make them highly reactive. Consuming such onions later can lead to stomach discomfort or food poisoning, and their nutritional value also decreases over time. If you must store chopped onions, it’s best to keep them in an airtight glass or plastic container or in a sealed plastic cover to prevent air exposure and bacterial contamination. This way, the onions stay fresh and safe for a short period.