സ്‌കൂളില്‍ പോകാന്‍ ചില കുട്ടികള്‍ക്ക് ഭയങ്കര മടിയാണ്. ചിലരാണെങ്കിലോ മിടുക്കന്‍മാരായി പോവുകയും ചെയ്യും. എന്നാല്‍ ഇത്തരത്തില്‍ കുട്ടികള്‍ മടി കാണിക്കുമ്പോള്‍ ഒരു പരിധിവരെ മാതാപിതാക്കളും ആ വാശിക്കു സമ്മതം മൂളുകയും ചെയ്യാറുണ്ട്. എന്നാല്‍ ഇങ്ങനെ മടിയുള്ള കുട്ടിയുടെ വ്യത്യസ്തമായ വിഡിയോയാണ് ഇപ്പോള്‍ വൈറലായിരിക്കുന്നത്. സമൂഹമാധ്യമങ്ങളിലൂടെ പുറത്തു വന്ന വിഡിയോയില്‍ സ്‌കൂളില്‍ പോവാന്‍ മടി കാണിച്ച ഒരു കുട്ടിയോട് മാതാപിതാക്കള്‍ പ്രതികരിക്കുന്ന രീതിയാണ് ഏറെ രസകരമായത്. 

വിഡിയോയില്‍ സ്‌കൂളില്‍ പോകാന്‍ ഒട്ടും താല്‍പ്പര്യമില്ലാത്ത ഒരു കൊച്ചു കുട്ടിയെയാണ് കാണുന്നത്. സ്‌കൂളില്‍ പോകാതിരിക്കാന്‍ അവന്‍ തന്നാലാകുന്നതെല്ലാം ചെയ്യുന്നുമുണ്ട്. കുട്ടി കട്ടിലില്‍ നിന്ന് എഴുന്നേല്‍ക്കാന്‍ തന്നെ കൂട്ടാക്കുന്നില്ല. കട്ടിലില്‍നിന്നെഴുന്നേല്‍ക്കാതെ കട്ടിലിനെ മുറുകെ പിടിച്ച് അവിടെത്തന്നെ കിടക്കുകയാണ് ചെയ്യുന്നത്.  

അവനെ അനുനയിപ്പിക്കാനുള്ള കുടുംബത്തിന്റെ ആവര്‍ത്തിച്ചുള്ള ശ്രമങ്ങളെയും അവന്‍ തള്ളിക്കളയുകയാണ്. അതേസമയം അവന്റെ വാശി സമ്മതിച്ച് കൊടുക്കാന്‍ വീട്ടുകാരും തയ്യാറാകുന്നില്ല. തുടര്‍ന്ന് അവനെ കട്ടിലോടെ തന്നെ പൊക്കിയെടുത്ത് അവര്‍ സ്‌കൂളിലേക്ക് കൊണ്ടുപോകുന്ന ദൃശ്യങ്ങളാണ് വിഡിയോയില്‍ കാണുന്നത്. തെരുവിലൂടെ കട്ടിലോടെ ചുമന്ന് കുട്ടിയെ സ്‌കൂളിലേക്ക് കൊണ്ട് പോകുന്നത് കണ്ട് അമ്പരക്കുന്ന വഴിയാത്രക്കാര്‍ ചിരിക്കുന്നതും വിഡിയോയില്‍ കാണാവുന്നതാണ്.

കുട്ടിക്കൊപ്പം നെറ്റിസെന്‍സ്

ഇതിലെ അതിശയം, സ്‌കൂള്‍ മുറ്റത്തെത്തിയിട്ടും മറ്റ് കുട്ടികള്‍ ക്ലാസ് മുറിയിലേക്ക് കയറിപ്പോകുന്നത് കണ്ടിട്ടും കുട്ടി കട്ടിലില്‍ നിന്ന് എഴുന്നേല്‍ക്കാന്‍ പോലും തയ്യാറാകുന്നില്ല. ഒടുവില്‍ ഒരു അധ്യാപിക തന്നെ നേരിട്ടെത്തി അവനെ കട്ടിലില്‍ നിന്നും എഴുന്നേല്‍പ്പിക്കാന്‍ ശ്രമം നടത്തുന്നുമുണ്ട്. പക്ഷേ, അതും പരാജയപ്പെടുകയാണ്. സമൂഹ മാധ്യമങ്ങളില്‍ വളരെ വേഗത്തില്‍ വിഡിയോ വൈറലായി. അതേസയം സമൂഹ മാധ്യമ ഉപയോക്താക്കളില്‍ വലിയൊരു വിഭാഗവും കുട്ടിക്കൊപ്പമാണെന്ന് അഭിപ്രായപ്പെട്ട് രംഗത്തെത്തിയിട്ടുണ്ട്.

രസകരമായ കാഴ്ചയെന്നും ബാല്യകാലത്തിലേക്ക് മടങ്ങിപ്പോയെന്നുമാണ് നിരവധി പേരുടെ കമന്റ്. എവിടെ നിന്ന്, എപ്പോള്‍, ആര്, ചിത്രീകരിച്ചതാണ് വിഡിയോ എന്ന വിവരങ്ങളൊന്നും ലഭ്യമല്ല. എന്നാല്‍ വിഡിയോയ്ക്ക് താഴെ ചിലര്‍ അഭിപ്രായപ്പെടുന്നത് സോഷ്യല്‍ മീഡിയയില്‍ കൂടുതല്‍ കാഴ്ചക്കാരെ ലഭിക്കുന്നതിനായി ബോധപൂര്‍വം സൃഷ്ടിച്ചതാവാം വിഡിയോഎന്നുമാണ്.

सांप चारपाई के कैसे लिपट जाता है, वैसे ही यह बालक।
स्कूल नहीं जाने की जिद्द। परिवार के लोग भी होशियार निकले, चारपाई के साथ ही स्कूल उठा लाए। जिद्द में इस बालक ने सारे रिकॉर्ड तोड़ ही दिए होंगे।

आप लोगों ने भी स्कूल नहीं जाने के लिए इतनी जिद्द की है, कमेंट में बताओ? pic.twitter.com/GygZfH4VIM

— Arvind Sharma (@sarviind) October 29, 2025

A hilarious video is going viral on social media showing parents carrying their child to school along with his bed after he refused to get up.The clip features a young boy who stubbornly refuses to wake up or go to school. Despite repeated efforts by his family to persuade him, the child clings tightly to his bed, unwilling to move.When all attempts fail, the parents decide not to give in to his stubbornness. Instead, they lift the entire bed with the child still lying on it and carry him through the street to school.