'എനിക്കെന്റെ അമ്മയെ കാണണം, എന്നെ രക്ഷിക്കണേ ഇല്ലെങ്കില്‍ ഞാനിവിടെ മരുഭൂമിയില്‍ മരിച്ചുവീഴും' ദിവസങ്ങള്‍ക്ക് മുമ്പ് പൊട്ടിക്കരഞ്ഞ് തന്നെ രക്ഷിക്കണമെന്ന് അഭ്യര്‍ത്ഥിച്ചുകൊണ്ടുള്ള യുവാവിന്റെ വീഡിയോ സമൂഹമാധ്യമങ്ങളില്‍ വൈറലായിരുന്നു. എന്നാല്‍ ഉത്തര്‍ പ്രദേശ് സ്വദേശിയായ യുവാവിന്റെ വീഡിയോ വ്യാജമാണെന്ന് സഊദി പൊലിസ് വ്യക്തമാക്കി. 

സമൂഹ മാധ്യമത്തിലെ തന്റെ പേജിന്റെ റീച്ച് പെട്ടെന്ന് കുത്തനെ വര്‍ധിപ്പിക്കാനുള്ള യുവാവിന്റെ തന്ത്രമായിരുന്നു ഇതെന്ന് പൊലിസിന്റെ അന്വേഷണത്തില്‍ വ്യക്തമായിരുന്നു. വീഡിയോ സമൂഹ മാധ്യമങ്ങളില്‍ വ്യാപകമായി പ്രചരിച്ചതിന് തൊട്ടുപിന്നാലെ പൊലിസ് അന്വേഷണം ആരംഭിച്ചിരുന്നു. വീഡിയോ വൈറലായതിനെ തുടര്‍ന്ന് പൊലിസ് യുവാവിനെ വിളിച്ചുവരുത്തിയിരുന്നു. ഇതോടെയാണ് സത്യാവസ്ഥ വെളിപ്പെട്ടത്.

ALSO READ: സൗദിയിൽ റെയ്ഡ് ശക്തം; ഒരാഴ്ചയ്ക്കുള്ളിൽ അറസ്റ്റിലായത് 22,613 അനധികൃത കുടിയേറ്റക്കാർ 

താന്‍ പറഞ്ഞതത്രയും വ്യാജമാണെന്നും അക്കൗണ്ടിന് റീച്ച് വര്‍ധിപ്പിക്കാനാണ് താന്‍ ഇങ്ങനെ ചെയ്തതെന്നും യുവാവ് സമ്മതിച്ചു. യുവാവിനെതിരെ കടുത്ത നടപടി എടുക്കാന്‍ സഊദി അധികൃതര്‍ തീരുമാനിച്ചിട്ടുണ്ട്.

ഭോജ്പുരിയില്‍ സംസാരിക്കുന്ന യുവാവ് പ്രയാഗ്രാജ് ജില്ലയിലെ പ്രതാപ്പൂരിലെ ഹാന്‍ഡിയ സ്വദേശിയാണെന്നാണ് വീഡിയോയില്‍ സ്വയം പരിചയപ്പെടുത്തിയത്. ഡല്‍ഹി ആസ്ഥാനമായുള്ള ഒരു അഭിഭാഷകന്‍ പങ്കുവെച്ച വീഡിയോയില്‍, തൊഴിലുടമയെന്ന് കരുതപ്പെടുന്ന 'കപില്‍' തന്റെ പാസ്പോര്‍ട്ട് പിടിച്ചെടുത്തെന്ന് ഇയാള്‍ ആരോപിക്കുന്നു. ഉടന്‍ നാട്ടിലേക്ക് പോകാന്‍ സഹായിക്കണമെന്ന് പ്രധാനമന്ത്രി നരേന്ദ്ര മോദിയോട് കണ്ണീരോടെ അപേക്ഷിക്കുന്നതും വീഡിയോയില്‍ കാണാം.

'എന്റെ ഗ്രാമം അലഹബാദിലാണ്... ഞാന്‍ സഊദി അറേബ്യയില്‍ എത്തി. കപിലിന്റെ കൈവശം പാസ്പോര്‍ട്ട് ഉണ്ട്. ഞാന്‍ വീട്ടിലേക്ക് പോകണമെന്ന് പറഞ്ഞപ്പോള്‍ അവന്‍ എന്നെ കൊല്ലുമെന്ന് ഭീഷണിപ്പെടുത്തുകയാണ്. ദയവായി എന്നെ സഹായിക്കൂ, ഞാന്‍ മരിക്കും; എനിക്ക് എന്റെ അമ്മയുടെ അടുത്തേക്ക് പോകണം,' പശ്ചാത്തലത്തില്‍ ഒരു ഒട്ടകത്തിന്റെ ദൃശ്യം കാണിക്കവെ യുവാവ് പറയുന്നു.

ALSO READ: വിദ്യാര്‍ഥിനികള്‍ യാത്ര ചെയ്ത കാര്‍ അപകടത്തില്‍പ്പെട്ടു; സഊദിയില്‍ നാല് പേര്‍ക്ക് ദാരുണാന്ത്യം 

ഉത്തര്‍ പ്രദേശിലെ പ്രയാഗ് രാജ് ജില്ലയിലെ ഷേഖ് പൂര്‍ ഛൗതാന ഗ്രാമത്തില്‍ നിന്നുള്ള 25 വയസ്സുകാരനായ അങ്കിതാണ് വ്യാജ വീഡിയോ ചെയ്തത്. 

കഴിഞ്ഞ വര്‍ഷം ഒക്ടോബര്‍ 1-നാണ് ഇയാള്‍ റിയാദിലെത്തിയത്. ഇയാളുടെ ഭാര്യ പിങ്കിയുടെയും ഭാര്യാപിതാവിന്റെയും നിര്‍ബന്ധം കാരണമാണ് ഇയാള്‍ ജോലിക്കായി സഊദിയിലെത്തിയത്. ദേഷ്യം വരുന്ന സമയങ്ങളില്‍ ഭര്‍ത്താവ് ഇത്തരം വീഡിയോകള്‍ സമൂഹമാധ്യമങ്ങളില്‍ പോസ്റ്റ് ചെയ്യാറുള്ളതാണെന്ന് ഭാര്യ പിങ്കി വ്യക്തമാക്കി.

a video of a young man in the pleading for help and saying he might die in the desert went viral, but officials later clarified there’s a issue with his claims.