ദുബൈ: ദുബൈ ഷോപ്പിംഗ് ഫെസ്റ്റിവലിന്റെ (DSF) 31-ാമത് പതിപ്പ് 2025 ഡിസംബർ അഞ്ചിന് ആരംഭിക്കും. 2026 ജനുവരി 11 വരെ ഷോപ്പിങ്ങ് ഫെസ്റ്റിവൽ നീണ്ടുനിൽക്കും. ഇത്തവണത്തെ മെഗാ റാഫിൾ നറുക്കെടുപ്പുകളിൽ ഒരു ഭാഗ്യശാലിയ്ക്ക് ഒരു പുതിയ നിസാൻ കാറും 100,000 ദിർഹവും (ഏകദേശം 22 ലക്ഷം രൂപ) ദിവസേന സമ്മാനമായി നേടാൻ അവസരമുണ്ട്. മാത്രമല്ല, ഫെസ്റ്റിവലിന്റെ അവസാന ദിവസം ഒരു ഭാ​ഗ്യശാലിക്ക് 400,000 ദിർഹമിന്റെ (ഏകദേശം 90 ലക്ഷം രൂപ) ഗ്രാൻഡ് പ്രൈസും ലഭിക്കും.

റാഫിൾ ടിക്കറ്റ് എങ്ങനെ നേടാം?

ദുബൈയിലെ താമസക്കാർക്കും സന്ദർശകർക്കും 100 ദിർഹം വിലയുള്ള റാഫിൾ ടിക്കറ്റുകൾ ഇപ്പോൾ വാങ്ങാവുന്നതാണ്.

ALSO READ: തേനീച്ച അത്ര നിസാരക്കാരനല്ല; തേനീച്ചകളെ സംരക്ഷിക്കാൻ പുതിയ പദ്ധതിക്ക് തുടക്കമിട്ട് അബൂദബി

ടിക്കറ്റുകൾ ലഭിക്കുന്ന സ്ഥലങ്ങൾ

• തസ്ജീൽ (Tasjeel) സെന്ററുകൾ
• എനോക് (ENOC) സ്റ്റേഷനുകൾ
• സൂം (ZOOM) സ്റ്റോറുകൾ
• ഓട്ടോപ്രോ (AutoPro) സർവിസ് ഔട്ട്ലെറ്റുകൾ
• ഓരോ ടിക്കറ്റും രണ്ട് സമ്മാനങ്ങൾ നേടാൻ അവസരം നൽകും.

സമ്മാനങ്ങൾ

ഓരോ ടിക്കറ്റും പ്രതിദിന നറുക്കെടുപ്പിൽ ഉൾപ്പെടുത്തും. ഇതുവഴി ഒരു ഭാഗ്യശാലിക്ക് നിസാൻ പാത്ത്ഫൈൻഡർ, എക്സ്-ടെറ, എക്സ്-ട്രെയിൽ, കിക്സ്, അല്ലെങ്കിൽ മാഗ്നൈറ്റ് തുടങ്ങിയ മോഡലുകളിൽ ഏതെങ്കിലും ഒരു കാറും അതോടൊപ്പം 100,000 ദിർഹവും സമ്മാനമായി നേടാൻ സാധിക്കും. 

ഈ നറുക്കെടുപ്പുകളിൽ വിജയിക്കാത്തവർക്ക് വീണ്ടും അവസരമുണ്ട്. അവർക്കായി 2026 ജനുവരി 11-ന് ഒരു ഗ്രാൻഡ് നറുക്കെടുപ്പ് നടത്തും. ഇതിലെ വിജയിക്ക് 400,000 ദിർഹമിന്റെ സമ്മാനം ലഭിക്കും.

The 31st edition of the Dubai Shopping Festival (DSF) is scheduled to commence on December 5, 2025, and will run until January 11, 2026. This year's Mega Raffle draws offer daily chances for one lucky shopper to win a brand-new Nissan car along with a cash prize of Dh100,000 (approximately ₹22 lakh).