വാഷിങ്ടണ്‍: വിസ നടപടികള്‍ കൂടുതല്‍ കടുപ്പിച്ച് അമേരിക്ക. സ്ഥിര താമസം ലക്ഷ്യമിട്ട് അമേരിക്കയിലേക്ക് ചേക്കേറാന്‍ ഉദ്ദേശിക്കുന്നവര്‍ക്ക് പ്രമേഹം, അമിത വണ്ണം, ഹൃദ്രോഗം എന്നീ ആരോഗ്യ പ്രശ്‌നങ്ങളുണ്ടെങ്കില്‍ വിസ അനുവദിക്കില്ലെന്നാണ് പുതിയ ഉത്തരവ്. സ്റ്റേറ്റ് ഡിപ്പാര്‍ട്ട്‌മെന്റ് പുറത്തിറക്കിയ മാര്‍ഗനിര്‍ദേശങ്ങള്‍ പിന്തുടരാന്‍ ലോകമെമ്പാടുമുള്ള യുഎസ് എംബസികള്‍ക്കും കോണ്‍സുലേറ്റുകള്‍ക്കും ട്രംപ് ഭരണകൂടം നിര്‍ദേശം നല്‍കി. 

രാജ്യത്തിന്റെ പൊതുസംവിധാനങ്ങള്‍ക്ക് ബാധ്യതയാകുമെന്ന വിലയിരുത്തലിന്റെ അടിസ്ഥാനത്തിലാണ് വിദേശികളുടെ ആരോഗ്യ നിലയില്‍ കടുത്ത നിബന്ധനകള്‍ക്ക് ട്രംപ് ഉത്തരവിട്ടത്. ഗുരുതരമായ ആരോഗ്യപ്രശ്‌നങ്ങളും, തുടര്‍ ചികിത്സയും വേണ്ടവര്‍ ബാധ്യതയാകുമെന്നാണ് കണ്ടെത്തല്‍. അതേസമയം ചികിത്സ സ്വന്തം ചിലവില്‍ വഹിക്കാന്‍ ശേഷിയുള്ളവര്‍ക്ക് വിസ അനുവദിക്കാമെന്നും ഉത്തരവില്‍ പറയുന്നുണ്ട്. 

ALSO READ: മംദാനിയെ തോൽപ്പിക്കാന്‍ ശ്രമിച്ചത് 26 ശതകോടീശ്വരന്മാര്‍; ചെലവഴിച്ചത് കോടികണക്കിന് ഡോളര്‍

പ്രത്യക്ഷത്തില്‍ യുഎസിലേക്ക് കുടിയേറുന്നവരെ ലക്ഷ്യമിട്ടാണ് നിയമം പാസാക്കിയിട്ടുള്ളത്. ടൂറിസ്റ്റ്, സ്റ്റുഡന്റ് വിസകള്‍ക്ക് പുതിയ നിര്‍ദേശം ബാധകമാണോ എന്ന കാര്യത്തില്‍ അവ്യക്തത തുടരുകയാണ്. ടൂറിസം (ബിവണ്‍/ ബിടു), പഠനം (എഫ് വണ്‍) എന്നിവയ്ക്കുള്ള നോണ്‍ ഇമിഗ്രന്റ് വിസകള്‍ തേടുന്നവര്‍ ഉള്‍പ്പെടെ എല്ലാ വിസ അപേക്ഷകര്‍ക്കും നിയമം ബാധകമാവുമെന്നും റിപ്പോര്‍ട്ടുണ്ട്. 

ഹൃദ്രോഗം, ശ്വസന സംബന്ധമായ അസുഖങ്ങള്‍, കാന്‍സര്‍, പ്രമേഹം, ന്യൂറോ സംബന്ധമായ രോഗങ്ങള്‍, മാനസികാരോഗ്യ പ്രശ്‌നങ്ങള്‍ എന്നിവയുള്‍പ്പെടെയുള്ള വലിയ ചികിത്സ ചിലവുള്ള രോഗങ്ങള്‍ അപേക്ഷകന് ഇല്ലെന്ന് ഉറപ്പാക്കണമെന്നാണ് സ്റ്റേറ്റ് ഡിപ്പാര്‍ട്ട്‌മെന്റ് എംബസികള്‍ക്കും കോണ്‍സുലാര്‍ കേന്ദ്രങ്ങള്‍ക്കും നല്‍കിയ നിര്‍ദേശം.

us has made visa rules stricter. according to the new order, people who want to move to the us for permanent residence will not get a visa if they have health problems like diabetes, obesity, or heart disease.