കുവൈത്ത് സിറ്റി: കുവൈത്തിലെ വിവിധ ​ഗവർണറേറ്റുകളിൽ മുനിസിപ്പാലിറ്റിയുടെ ഫീൽഡ് ടീമുകൾ പരിശോധനകൾ ശക്തമാക്കിയതായി പബ്ലിക് റിലേഷൻസ് ഡിപ്പാർട്ട്‌മെന്റ് വ്യക്തമാക്കി. ശുചീകരണ, റോഡ് ജോലികളുമായി ബന്ധപ്പെട്ട നിയമലംഘനങ്ങൾ കണ്ടെത്താൻ ലക്ഷ്യമിട്ടാണ് ഈ  പരിശോധനകൾ.

നിയമലംഘകരെ കണ്ടെത്താനും അവർക്കെതിരെ നിയമനടപടികൾ സ്വീകരിക്കാനുമാണ് പരിശോധനകൾ ശക്തമാക്കിയതെന്ന് ഹവല്ലി, അഹ്മദി ഗവർണറേറ്റുകളുടെ ഡെപ്യൂട്ടി ഡയറക്ടർ ജനറൽ എൻജിനീയർ അഹ്മദ് അൽ-ഹാസിം വ്യക്തമാക്കി. തങ്ങളുടെ പരിധിയിൽ വരുന്ന പ്രദേശങ്ങളിലെ ശുചീകരണ നിലവാരം മെച്ചപ്പെടുത്താനും, നഗരത്തിന്റെ ഭം​ഗി വികലമാക്കുന്നതോ റോഡുകൾക്ക് തടസ്സമുണ്ടാക്കുന്നതോ ആയ എല്ലാ വസ്തുക്കളും നീക്കം ചെയ്യാനും പരിശോധനാ ടീം പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേർത്തു.

ALSO READ: കാലാവധി കഴിഞ്ഞ മരുന്നുകൾ ആരോഗ്യത്തിനും പരിസ്ഥിതിക്കും ഭീഷണി: മുന്നറിയിപ്പുമായി അബൂദബി

അഹ്മദി ഗവർണറേറ്റിലെ നടപടികൾ

അഹ്മദി ഗവർണറേറ്റിലെ പബ്ലിക് സാനിറ്റേഷൻ ആൻഡ് റോഡ് വർക്സ് ഡിപ്പാർട്ട്‌മെന്റ് അടുത്തിടെ നടത്തിയ പരിശോധനയിൽ നിരവധി നിയമലംഘകർക്കെതിരെ നടപടികൾ സ്വീകരിച്ചു.

• തെരുവ് കച്ചവടക്കാർക്ക് നാല് നിയമലംഘന നോട്ടിസുകൾ നൽകി.
• 13 ഉപേക്ഷിച്ച വാഹനങ്ങൾ നീക്കം ചെയ്തു.
• മൊബൈൽ ഫുഡ് ട്രക്കുകളുടെ നിയമലംഘനങ്ങൾ പരിഹരിച്ചു.
• 37 മുന്നറിയിപ്പ് സ്റ്റിക്കറുകൾ പതിപ്പിച്ചു.
• ഫഹാഹീൽ, മഹ്ബൂല എന്നിവിടങ്ങളിൽ അനധികൃതമായി സ്ഥാപിച്ച 30 താൽക്കാലിക കച്ചവടകേന്ദ്രങ്ങൾ പൊളിച്ചുമാറ്റി.

മുബാറക് അൽ-കബീർ മുനിസിപ്പാലിറ്റിയിലും നടപടി

അതേസമയം, മുബാറക് അൽ-കബീർ മുനിസിപ്പാലിറ്റിയിലെ പബ്ലിക് ഹൈജീൻ ആൻഡ് റോഡ് ഒക്കുപ്പൻസി ഡിപ്പാർട്ട്‌മെന്റ് റെസിഡൻഷ്യൽ ഏരിയകളിൽ പരിശോധന നടത്തി. ശുചിത്വം ഉറപ്പാക്കാനും, നിശ്ചിത കണ്ടെയ്‌നറുകൾക്ക് പുറത്ത് മാലിന്യം തള്ളുന്നത് തടയുന്നതിനുമായിരുന്നു പരിശോധന.

ALSO READ: ഇന്ത്യന്‍ രൂപയും മറ്റ് പ്രധാന വിദേശ കറന്‍സികളും തമ്മിലുള്ള ഇന്നത്തെ വിനിമയ നിരക്ക് അറിയാം | Indian Rupee in 2025 November 09

• പരിശോധനയിൽ, 35 ഉപേക്ഷിക്കപ്പെട്ട വാഹനങ്ങൾ, പഴയ ഇരുമ്പ് സാധനങ്ങൾ, ബോട്ടുകൾ, വാണിജ്യ കണ്ടെയ്‌നറുകൾ, ലൈസൻസില്ലാത്ത മോട്ടോർ സൈക്കിളുകൾ, ഓൾ-ടെറൈൻ വാഹനങ്ങൾ എന്നിവ നീക്കം ചെയ്തു. 
• പൊതു ശുചിത്വ, റോഡ് ഒക്യുപൻസി നിയമങ്ങളുമായി ബന്ധപ്പെട്ട് 34 നിയമലംഘനങ്ങൾ രേഖപ്പെടുത്തി.
• ഉപേക്ഷിക്കപ്പെട്ട വാഹനങ്ങളും, ലൈസൻസില്ലാത്ത വാണിജ്യ കണ്ടെയ്‌നറുകളും നീക്കം ചെയ്യുന്നതിനായി 31 നോട്ടിസുകൾ നൽകി.
• 40 കേടായ മാലിന്യ കണ്ടെയ്‌നറുകൾ മാറ്റി സ്ഥാപിക്കുകയും 75 പുതിയ കണ്ടെയ്‌നറുകൾ സ്ഥാപിക്കുകയും ചെയ്തു.

എല്ലാ ഗവർണറേറ്റുകളിലും ശുചിത്വം, റോഡ് ഒക്യുപൻസി നിയമങ്ങൾ എന്നിവയുടെ ലംഘനം കണ്ടെത്തുന്നതിനായി ഫീൽഡ് ടീമുകൾ പരിശോധന നടത്തുമെന്ന് കുവൈത്ത് മുനിസിപ്പാലിറ്റി വ്യക്തമാക്കി. 

The Kuwait Municipality has stepped up inspections across various governorates, focusing on cleanliness and roadwork violations. The aim is to enforce regulations, prevent infractions, and ensure compliance with laws, promoting a cleaner and more orderly environment.