ന്യൂഡൽഹി: വിവാഹം കഴിക്കാൻ വധുവിനെ കണ്ടെത്തിക്കൊടുക്കാമെന്ന് പറഞ്ഞ് 60,000 രൂപ കൈപ്പറ്റി വഞ്ചിച്ച സുഹൃത്തിനെ യുവാവ് കുത്തിപ്പരുക്കേൽപ്പിച്ചു. ആക്രമണത്തിൽ പരുക്കേറ്റ സുഹൃത്ത് കത്തി വലിച്ചൂരി തിരിച്ചും കുത്തി. 'എനിക്ക് ഇനി പെണ്ണ് വേണ്ട, നിന്നെ കൊല്ലും' എന്ന് ആക്രോശിച്ചായിരുന്നു ആക്രമണം. ഒക്ടോബറിൽ നടന്ന ഈ സംഭവത്തിൽ ഒളിവിലായിരുന്ന പ്രതിയെ ഈ മാസം നാലിന് അറസ്റ്റ് ചെയ്തതോടെയാണ് നാടകീയമായ സംഭവങ്ങളുടെ ചുരുളഴിയുന്നത്.

ALSO READ: PMAY പദ്ധതി പ്രകാരം ലഭിച്ച വീട് നിർമ്മാണത്തിന് മണ്ണ് മാറ്റിയിട്ടു; 'അനധികൃത ഖനനം' നടത്തിയെന്ന് പറഞ്ഞ് വയോധിക ദമ്പതികൾക്ക് ഒരു ലക്ഷം രൂപ പിഴ

സംഭവത്തിൽ ദീപക്, ജഗദീഷ് എന്നീ സുഹൃത്തുക്കളാണ് പരസ്പരം ആക്രമണം നടത്തിയത്. ഭാര്യയുമായി അകന്നു കഴിയുകയായിരുന്ന ദീപക്, വീണ്ടും വിവാഹം കഴിക്കാനുള്ള ആഗ്രഹം ഉറ്റ സുഹൃത്തായ ജഗദീഷിനോട് പങ്കുവെച്ചു. തുടർന്ന് വധുവിനെ കണ്ടെത്തിക്കൊടുക്കാമെന്നും എന്നാൽ ഇതിന് ചെലവേറുമെന്നും ജഗദീഷ് അറിയിച്ചതോടെ ദീപക് ആദ്യഘട്ടത്തിൽ 30,000 രൂപ നൽകി.

ALSO READ: 'ദൃശ്യം' കണ്ടത് നാല് തവണയെന്ന് മൊഴി: ഭാര്യയെ കൊന്ന് മൃതദേഹം കത്തിച്ച് ഭസ്മം നദിയിൽ ഒഴുക്കി; ഭർത്താവ് അറസ്റ്റിൽ

എന്നാൽ, ദിവസങ്ങൾ കഴിഞ്ഞിട്ടും വധുവിനെ കണ്ടെത്താൻ ജഗദീഷ് ശ്രമിച്ചില്ല. ഇത് ചോദ്യം ചെയ്ത ദീപക്കിനോട്, ആ​ഗ്രഹം നിറവേറണമെങ്കിൽ ഇനിയും പണം ആവശ്യമുണ്ടെന്ന് ജഗദീഷ് അറിയിച്ചു. ഇതോടെ ദീപക് വീണ്ടും 30,000 രൂപ കൂടി നൽകി. ഇതോടെ ആകെ 60,000 രൂപ പണം നൽകിയിട്ടും ഫലമൊന്നും ഉണ്ടാകാതിരുന്നതോടെ ദീപക് കടുത്ത നിരാശയിലായി.

ALSO READ: അന്യായ നികുതി ചുമത്തൽ: നാളെ മുതൽ കേരളത്തിൽ നിന്നുള്ള അന്തർ സംസ്ഥാന ടൂറിസ്റ്റ് ബസുകൾ സർവീസ് നിർത്തിവയ്ക്കും

തുടർന്ന് ഒക്ടോബർ ഏഴിന് ജഗദീഷിനെ ദീപക് ആളൊഴിഞ്ഞ സ്ഥലത്തേക്ക് വിളിച്ചു വരുത്തുകയും കൈയ്യിൽ കരുതിയ കത്തി ഉപയോഗിച്ച് നെഞ്ചിൽ കുത്തുകയുമായിരുന്നു. "എനിക്ക് പെണ്ണ് വേണ്ട, നിന്നെ കൊല്ലും!" എന്ന് ഉറക്കെ വിളിച്ച് പറഞ്ഞുകൊണ്ടായിരുന്നു ആക്രമണം. എന്നാൽ, നിസ്സാരമായി പരുക്കേറ്റ ജഗദീഷ്, ഉടൻ തന്നെ കത്തി വലിച്ചൂരിയെടുത്ത് ദീപക്കിനെ മൂന്ന് തവണ കുത്തി വീഴ്ത്തി. ശേഷം ജഗദീഷ് സ്ഥലത്ത് നിന്ന് ഓടി രക്ഷപ്പെട്ടു. കുത്തേറ്റ ദീപക്കിനെ പിന്നീട് പൊലിസ് എത്തിയാണ് ആശുപത്രിയിൽ എത്തിച്ചത്.

ALSO READ: പരീക്ഷാ ഫീസടയ്ക്കാത്തതിന് സഹപാഠികൾക്ക് മുന്നിൽ വച്ച് അപമാനം: പ്രിൻസിപ്പലിനെതിരെ ഗുരുതര ആരോപണങ്ങൾ; വിദ്യാർഥി ക്യാമ്പസിൽ ആത്മഹത്യയ്ക്ക് ശ്രമിച്ചു

ആദ്യം ദീപക്കിനെ ഇരയായി കണക്കാക്കിയാണ് പൊലിസ് കേസെടുത്തത്. എന്നാൽ, വിശദമായ അന്വേഷണത്തിൽ ദീപക്കാണ് ജഗദീഷിനെ ആദ്യം ആക്രമിച്ചതെന്ന് കണ്ടെത്തി. തുടർന്ന് പൊലിസ് ഇരുവരെയും അറസ്റ്റ് ചെയ്യുകയായിരുന്നു. ഇരുവർക്കുമെതിരെ ഗുരുതര വകുപ്പുകൾ  ചുമത്തിയാണ് പൊലിസ് കേസെടുത്തിട്ടുള്ളത്.

An enraged man, cheated out of money on the pretext of finding him a bride, stabbed his friend, shouting, "I don't want a bride now, I will kill you." The injured friend retaliated by stabbing the attacker multiple times.