മസ്‌കത്ത്: വിദേശ രാജ്യങ്ങളിൽ നിന്നുള്ള കലാകാരന്മാർ, എഴുത്തുകാർ, സാംസ്കാരിക സംരംഭകർ എന്നിവരുടെ കുടുംബാംഗങ്ങൾക്കും അടുത്ത ബന്ധുക്കൾക്കും രാജ്യത്ത് താമസിക്കാനും ജോലി ചെയ്യാനും അനുമതി നൽകി ഒമാൻ. ഇതിന്റെ ഭാ​ഗമായി കൾച്ചറൽ വിസ (സാംസ്കാരിക വിസ), റെസിഡൻസി സംവിധാനം വിപുലീകരിച്ചതായി അധികൃതർ അറിയിച്ചു. സർഗ്ഗാത്മകതയുടെ ഒരു പ്രാദേശിക ഹബ്ബായി മാറാനുള്ള ഒമാന്റെ ശ്രമങ്ങൾക്ക് കരുത്തേകുന്നതാണ് ഈ നീക്കം.

ഒമാൻ ന്യൂസ് ഏജൻസിയാണ് ഇത് സംബന്ധിച്ച റിപ്പോർട്ട് പുറത്തുവിട്ടത്. അധികാരികൾ പുറപ്പെടുവിച്ച പുതിയ തീരുമാനപ്രകാരം, ഒമാനിലെ വിദേശികളുടെ പ്രവേശനത്തെയും താമസത്തെയും നിയന്ത്രിക്കുന്ന ചട്ടങ്ങളിൽ നിരവധി വിസ, റെസിഡൻസി വിഭാഗങ്ങൾ കൂട്ടിച്ചേർത്തിട്ടുണ്ട്.

ALSO READ: ഒമാൻ: ദേശീയ ദിനത്തിന് ഇനി രണ്ടു ദിവസം അവധി: വാഹനങ്ങളിൽ സ്റ്റിക്കർ ഒട്ടിക്കുന്നതിന് പുതിയ നിബന്ധനകൾ 

2023-ലെ നയത്തിന്റെ വിപുലീകരണം

സാംസ്കാരികമായ തുറന്ന സമീപനത്തിന്റെയും അന്താരാഷ്ട്ര സഹകരണത്തിന്റെയും പ്രധാന സൂചനയായി 2023-ൽ അംഗീകരിച്ച 10 വർഷത്തെ സാംസ്കാരിക വിസ നയത്തിന്റെ തുടർച്ചയായാണ് ഈ വിപുലീകരണം.

പുതിയ ചട്ടക്കൂട് അനുസരിച്ച് കൂട്ടിച്ചേർത്ത വിഭാഗങ്ങൾ:

1.  സാംസ്കാരിക വിസ (Cultural Visa): സാംസ്കാരിക ആവശ്യങ്ങൾക്കായി രാജ്യത്തേക്ക് പ്രവേശിക്കുന്ന വിദേശികൾക്കാകും ഈ വിസ അനുവദിക്കുക. വിസ ഇഷ്യൂ ചെയ്ത് മൂന്ന് മാസത്തിനുള്ളിൽ ഉപയോഗിക്കണം.

2.  ജോയിനിംഗ് വിസ (Joining Visa): സാംസ്കാരിക ആവശ്യങ്ങൾക്കായി ഒമാനിൽ പ്രവേശിക്കുന്ന വിദേശിയുടെ പങ്കാളിക്കോ ഫസ്റ്റ് ഡിഗ്രി ബന്ധുക്കൾക്കോ അവരുടെ അഭ്യർത്ഥന പ്രകാരം, അവരുടെ ഉത്തരവാദിത്തത്തിൽ നൽകുന്ന വിസയാണിത്.

3.  സാംസ്കാരിക റെസിഡൻസി പെർമിറ്റ് (Cultural Residency Permit): സാംസ്കാരിക പ്രവർത്തനങ്ങൾക്കായി രാജ്യത്ത് ഇതിനകം താമസിക്കുന്ന വിദേശികൾക്കായി ഒരു പുതിയ റെസിഡൻസി വിഭാഗം സൃഷ്ടിച്ചു.

4.  ജോയിനിംഗ് റെസിഡൻസി പെർമിറ്റ് (Joining Residency Permit): കൾച്ചറൽ ജോയിനിംഗ് വിസ വഴി ഒമാനിലെത്തിയ പങ്കാളിക്കോ ബന്ധുക്കൾക്കോ ഈ റെസിഡൻസി പെർമിറ്റ് ലഭിക്കും.

ALSO READ: ഒമാനിൽ താമസരേഖകളുടെ കാലാവധി കഴിഞ്ഞവർക്ക് ആശ്വാസം: പിഴയിളവ് സംബന്ധിച്ച് അറിയിപ്പുമായി റോയൽ ഒമാൻ പൊലിസ് 

പുതിയ നയം ദീർഘകാല സാംസ്കാരിക കൈമാറ്റം സുഗമമാക്കാനും, പ്രൊഫഷണലുകൾക്ക് ഒമാനിൽ ആഴത്തിലുള്ള ബന്ധം സ്ഥാപിക്കാനും, രാജ്യത്തിന്റെ സാംസ്കാരിക രംഗത്തിന് സംഭാവന നൽകുന്നവർക്ക് സ്ഥിരത ഉറപ്പാക്കാനുമാണ് ലക്ഷ്യമിടുന്നതെന്ന് അധികൃതർ അറിയിച്ചു.

എണ്ണയിതര മേഖലകളിലൂടെ സമ്പദ്‌വ്യവസ്ഥയെ വൈവിധ്യവത്കരിക്കാൻ ലക്ഷ്യമിടുന്ന ഒമാൻ വിഷൻ 2040-ന് ഈ സംരംഭം കരുത്തുപകരും. സാംസ്കാരിക ടൂറിസത്തിന്റെ ലക്ഷ്യസ്ഥാനം എന്നതിലുപരി, കലാകാരന്മാരുടെയും ഗവേഷകരുടെയും ഒരു ഹബ്ബായി ഒമാനെ സ്ഥാപിക്കാൻ ഈ തീരുമാനം സഹായിക്കുമെന്ന് സാംസ്കാരിക പങ്കാളികൾ അഭിപ്രായപ്പെട്ടു.

the sultanate of oman has announced significant changes to its cultural visa policy, offering new opportunities for artists and creative professionals. under the revised rules, spouses and close relatives of cultural visa holders will now be eligible to obtain residence permits in oman.