ദുബൈ: ഷോപ്പിംഗ് പ്രേമികളുടെ ഇഷ്ട്ടോത്സവമായ ദുബൈ ഷോപ്പിംഗ് ഫെസ്റ്റിവൽ (DSF) ഈ വർഷവും ആവേശകരമായ സമ്മാനങ്ങളോടെ എത്തുന്നു. 2025 ഡിസംബർ 5-ന് തുടക്കം കുറിക്കുന്ന ഫെസ്റ്റിവൽ 2026 ജനുവരി 11 വരെ നീണ്ടുനിൽക്കും. ഈ 38 ദിവസങ്ങളിൽ ദുബൈയെ ഷോപ്പിംഗ്, വിനോദം, രുചിക്കൂട്ടുകൾ, സംസ്കാരം എന്നിവയുടെ ശൈത്യകാല അത്ഭുതലോകമാക്കി മാറ്റാനാണ് സംഘാടകർ ലക്ഷ്യമിടുന്നത്.

ALSO READ: ദുബൈയിലെ ബസുകളിൽ ഈ ഭാ​ഗത്ത് നിന്നാൽ 100 ദിർഹം പിഴ; ആർ.ടി.എയുടെ കർശന സുരക്ഷാ മുന്നറിയിപ്പ് 

സമ്മാനങ്ങളുടെ പെരുമഴ

ഫെസ്റ്റിവൽ കാലയളവിൽ 200 ദിർഹമോ അതിൽ കൂടുതലോ ചെലവഴിക്കുന്ന ഭാഗ്യശാലികൾക്ക് എല്ലാ ദിവസവും ഒരു പുതിയ നിസ്സാൻ കാറും 100,000 ദിർഹം ക്യാഷ് പ്രൈസും നേടാൻ അവസരമുണ്ട്.

ALSO READ: വ്യക്തിഗത വായ്പകൾക്ക് 5,000 ദിർഹം ശമ്പളം നിർബന്ധമില്ല; യുഎഇ ബാങ്കുകൾ എല്ലാ താമസക്കാർക്കും വായ്പ നൽകുമോ? 

കൂടാതെ, സമാപന ദിവസമായ ജനുവരി 11-ന് ഒരു ഭാഗ്യശാലിക്ക് 400,000 ദിർഹമിന്റെ ഗ്രാൻഡ് സമ്മാനം ലഭിക്കും. സ്വർണ്ണം നേടാൻ അവസരമുള്ള ആഴ്ചതോറുമുള്ള നറുക്കെടുപ്പുകളും ഫെസ്റ്റിവലിന്റെ ഭാഗമായുണ്ട്. ഇതുവഴി മൊത്തം 2.6 ദശലക്ഷത്തിലധികം ദിർഹമിന്റെ സ്വർണ്ണം നേടാൻ അവസരമുണ്ടാകും.

ALSO READ: അശ്രദ്ധമായ ഡ്രൈവിം​ഗ്; ദുബൈയിൽ 210 മോട്ടോർ സൈക്കിളുകളും സ്കൂട്ടറുകളും പിടിച്ചെടുത്തു 

വിവിധതരം പരിപാടികളും, അത്ഭുതപ്പെടുത്തുന്ന ഓഫറുകളും, ലോകോത്തര വിഭവങ്ങളും ഒരുക്കിയാണ് ദുബൈ ലോകമെമ്പാടുമുള്ള സന്ദർശകരെ ഈ വർഷത്തെ DSF-ലേക്ക് സ്വാഗതം ചെയ്യുന്നത്.

the dubai shopping festival kicks off on december 5, offering residents exciting deals and the opportunity to win a grand prize worth 400,000 dirhams. shoppers can look forward to discounts, raffles, and exclusive festive events across the city.