ഖത്തര്‍: ഫിഫ അറബ് കപ്പ് ഡിസംബർ 1 മുതൽ 18 വരെ ഖത്തറിൽ നടക്കും. ഇപ്പോഴിതാ, അറബ് കപ്പ് മത്സരങ്ങൾക്ക് ആവേശം പകരാൻ, ടൂർണമെന്റിന്റെ ഔദ്യോഗിക സൗണ്ട് ട്രാക്ക് പുറത്തിറക്കിയിരിക്കുകയാണ് ലോക്കൽ ഓർഗനൈസിങ് കമ്മിറ്റി. ദോഹ ആസ്ഥാനമായുള്ള കതാറ സ്റ്റുഡിയോസ് നിര്‍മ്മിച്ച 'സമാനി, 'മകാനി' എന്നീ രണ്ട് സൗണ്ട് ട്രാക്ക് അറബ് ആരാധകര്‍ക്ക് സൗഹൃദത്തിന്റേയും ആവേശത്തിന്റേയും പുത്തന്‍ അനുഭവങ്ങള്‍ പകരും. അറബിയില്‍ 'എന്റെ സമയം' എന്നര്‍ത്ഥം വരുന്ന 'സമാനി' എന്ന ഗാനം ഖത്തരി കലാകാരനായ ഹമദ് അല്‍ ഖസീനയാണ് ആലപിച്ചത്.

ALSO READ: ഡ്രൈവറില്ലാ ടാക്സി ഇനി വിളിപ്പുറത്ത്: അബൂദബിയിലെ യാസ് ദ്വീപിൽ റോബോടാക്സി സർവിസ് ആരംഭിച്ചു

വരികള്‍ എഴുതിയത് മുഹമ്മദ് അല്‍ ഖാജയാണ്. രണ്ടാമത്തെ ഗാനം 'എന്റെ സ്ഥലം' എന്നര്‍ത്ഥം വരുന്ന 'മകാനി'യാണ്' . ഈജിപ്ഷ്യന്‍ കലാകാരന്‍ മുഹമ്മദ് മൗനീര്‍ ആലപിച്ച ഗാനത്തിന്റെ വരികള്‍ എഴുതിയത് മുസ്തഫ ഹദൂതയാണ്. ഈ രണ്ട് ഗാനങ്ങളും രചിച്ചത് അവാര്‍ഡ് ജേതാവായ മൊറോക്കന്‍ സ്വീഡിഷ് റെക്കോര്‍ഡ് പ്രൊഡ്യൂസര്‍ നാദിര്‍ ഖയാത്താണ്. ഈയിടെ ഫിഫ അറബ് കപ്പിന്റെ ഔദ്യോഗിക ഭാഗ്യചിഹ്നമായി 'ജൂഹ'യെ ലോക്കല്‍ ഓര്‍ഗനൈസിംഗ് കമ്മിറ്റി പ്രഖ്യാപിച്ചിരുന്നു. അടുത്ത മാസം ഒന്നിന് തുടങ്ങി 18 വരെ നീണ്ടുനില്‍ക്കുന്ന ഈ വര്‍ഷത്തെ അറബ് കപ്പ് ടൂര്‍ണമെന്റില്‍ 16 ടീമുകളാണ് പങ്കെടുക്കുന്നത്.

The official soundtrack for the FIFA Arab Cup Qatar 2025 has been unveiled, featuring two songs, 'Zamani' and 'Makani', produced by Doha-based Katara Studios.