അബൂദബി: ഗതാഗത മേഖലയിൽ വിപ്ലവം സൃഷ്ടിച്ച് യുഎഇ. ഏറെ നാളത്തെ കാത്തിരിപ്പിന് ഒടുവിൽ, മിഡിൽ ഈസ്റ്റിലെ ആദ്യത്തെ ലെവൽ 4 പൂർണ്ണമായും ഡ്രൈവറില്ലാത്ത റോബോടാക്സി (Robotaxi) വാണിജ്യ സർവിസ് അബൂദബിയിൽ ആരംഭിച്ചു. വീറൈഡും, ഊബറും ചേർന്നാണ് ഈ സംരംഭത്തിന് തുടക്കമിട്ടത്. ഇതോടെ, അമേരിക്കയ്ക്ക് പുറത്ത് ഊബർ പ്ലാറ്റ്‌ഫോമിൽ ഡ്രൈവറില്ലാ യാത്രകൾ ലഭ്യമാക്കുന്ന ലോകത്തിലെ ആദ്യ നഗരമായി അബൂദബി മാറി.

യാസ് ദ്വീപിൽ തുടക്കം

വീറൈഡ്, ഊബർ എന്നിവർ സംയുക്തമായി പുറത്തിറക്കിയ പ്രസ്താവന പ്രകാരം, യാസ് ദ്വീപിലാണ് റോബോടാക്സി സർവിസുകൾ ആരംഭിച്ചിരിക്കുന്നത്. ഇതുവഴി, യാത്രക്കാർക്ക് ഡ്രൈവറോ വാഹന വിദഗ്ദ്ധനോ ഇല്ലാതെ തന്നെ യാത്രകൾ ബുക്ക് ചെയ്യാം.

യാത്രക്കാർക്ക് ഊബർ കംഫർട്ട് (Uber Comfort), ഊബർഎക്സ് (UberX), അല്ലെങ്കിൽ ആപ്പിൽ പുതുതായി ഉൾപ്പെടുത്തിയ 'ഓട്ടോണമസ്' (Autonomous) എന്നീ ഓപ്ഷനുകൾ ഉപയോ​ഗിച്ച് ടാക്സി ബുക്ക് ചെയ്യാം. 

ALSO READ: യുഎഇ ദേശീയ ദിനം: ടിക്കറ്റുകൾക്ക് 50 ശതമാനം കിഴിവുമായി ദുബൈ സഫാരി പാർക്ക്; സഫാരി ബണ്ടിലിനും പ്രത്യേക നിരക്ക്

സമയക്രമം: റൈഡ്-ഹെയ്‌ലിംഗ് ആപ്പിലെ വിവരങ്ങൾ അനുസരിച്ച്, നിലവിൽ രാവിലെ 10 മണി മുതൽ വൈകുന്നേരം 4 മണി വരെയാണ് ഈ സേവനം ലഭ്യമാകുക.

വിപുലീകരണ പദ്ധതികൾ

കഴിഞ്ഞ ഡിസംബറിലാണ് വീറൈഡും ഊബറും ചേർന്ന് അബൂദബിയിൽ റോബോടാക്സി റൈഡ്-ഹെയ്‌ലിംഗ് പങ്കാളിത്തത്തിന് തുടക്കമിട്ടത്. 

2025 ജൂലൈ ആയപ്പോഴേക്കും, അൽ റീം, അൽ മരിയ തുടങ്ങിയ അബൂദബിയിലെ പ്രധാന സ്ഥലങ്ങളിലേക്ക് ഈ പങ്കാളിത്തം വ്യാപിപ്പിച്ചു. 2025 അവസാനത്തോടെ, അബൂദബി നഗരത്തിന്റെ കൂടുതൽ പ്രധാന ഭാഗങ്ങളിലേക്ക് സേവനം വിപുലീകരിക്കാൻ വീറൈഡും ഊബറും പദ്ധതിയിടുന്നു. നിലവിൽ മിഡിൽ ഈസ്റ്റിൽ മാത്രം 100-ൽ അധികം റോബോടാക്സികൾ വീറൈഡിന് ഉണ്ട്.

The United Arab Emirates (UAE) has launched the Middle East's first Level 4 fully driverless Robotaxi commercial service in Abu Dhabi, marking a significant milestone in the region's transportation sector.