സൗത്ത് ആഫ്രിക്കക്കെതിരായ മൂന്ന് ഏകദിന മത്സരങ്ങളുടെ പരമ്പരക്ക് നാളെയാണ് തുടക്കമാവുന്നത് ആദ്യ മത്സരം റാഞ്ചിയിലാണ് നടക്കുന്നത്. ഈ പരമ്പരക്ക് മുന്നോടിയായി റിതുരാജ് ഗെയ്ക്വാദിനെക്കുറിച്ച് സംസാരിച്ചിരിക്കുകയാണ് കെഎൽ രാഹുൽ. റുതുരാജ് ഗെയ്ക്വാദ് ഒരു അസാധാരണ താരമാണെന്നും ഇന്ത്യൻ ടീമിൽ പരിമിതമായി ലഭിച്ചപ്പോഴെല്ലാം ഗെയ്ക്വാദ് മികച്ച പ്രകടനം നടത്തിയെന്നുമാണ് കെഎൽ രാഹുൽ പറഞ്ഞത്. 

''റുതുരാജ് ഗെയ്ക്വാദ് ഒരു അസാധാരണ കളിക്കാരനാണ്. ഏകദിന ടീമിലെ 5-6 സ്ഥാനങ്ങളിലെ താരങ്ങൾ വളരെ സ്ഥിരതയുള്ളതാണ്. അദ്ദേഹത്തിന് പരിമിതമായി ലഭിച്ച അവസരങ്ങളിലെല്ലാം മികച്ച പ്രകടനം നടത്തി. ഈ പരമ്പരയിൽ അദ്ദേഹത്തിന് അവസരം നൽകാൻ ആഗ്രെഹിക്കുന്നു'' കെഎൽ രാഹുൽ റെവ്സ്പോർട്സിന് നൽകിയ അഭിമുഖത്തിൽ പറഞ്ഞു. 

അടുത്തിടെ ലിസ്റ്റ് എ ക്രിക്കറ്റിൽ ഗെയ്ക്വാദ് ചരിത്രംക്കുറിച്ചിരുന്നു. ലിസ്റ്റ് എ ക്രിക്കറ്റിൽ ഏറ്റവും മികച്ച ശരാശരിയിൽ ബാറ്റ് വീശുന്ന ഇന്ത്യൻ താരമായി മാറിയാണ് ഗെയ്ക്വാദ് റെക്കോർഡിട്ടത്. 57.80 എന്ന മികച്ച ശരാശരിയാണ് താരത്തിന് നിലവിലുള്ളത്.

ഇന്ത്യൻ ഇതിഹാസം ചേതേശ്വർ പൂജാരയെ മറികടന്നാണ് താരം ഒന്നാം സ്ഥാനം സ്വന്തമാക്കിയത്. 57.01 ആവറേജാണ് പൂജാരക്കുള്ളത്. ലോക ക്രിക്കറ്റിൽ ലിസ്റ്റ് എയിൽ ഏറ്റവും മികച്ച ആവറേജുള്ള രണ്ടാമത്തെ താരവും ഗെയ്ക്വാദ് തന്നെയാണ്. ഓസ്‌ട്രേലിയൻ ഇതിഹാസം മൈക്കൽ ബെവനാണ് ഒന്നാമതുള്ളത്. 57.86 ആണ് ബെവന്റെ ആവറേജ്.

ലിസ്റ്റ് എ ക്രിക്കറ്റിൽ 85 മത്സരങ്ങളിൽ നിന്നും 17 സെഞ്ച്വറികളും 18 അർദ്ധസെഞ്ച്വറികളും അടക്കം 4509 റൺസാണ് ഗെയ്ക്വാദ് നേടിയത്. 2016-17 വിജയ് ഹസാരെ ട്രോഫിയിൽ മഹാരാഷ്ട്രക്ക് വേണ്ടിയാണ് ഗെയ്ക്വാദ് അരങ്ങേറ്റം കുറിച്ചത്. നാല് വർഷങ്ങൾക്ക് ശേഷമാണ് താരം ഇന്ത്യൻ ടീമിൽ അരങ്ങേറ്റം കുറിച്ചത്. 

സൗത്ത് ആഫ്രിക്ക എ ടീമിനെതിരെയുള്ള ഏകദിന മത്സങ്ങളിലെ മിന്നും പ്രകടനങ്ങൾക്ക് പിന്നാലെയാണ് ചെന്നൈ നായകനെ തേടി ഈ ചരിത്രനേട്ടം എത്തിയത്. ആദ്യ മത്സരത്തിൽ സെഞ്ച്വറിയും രണ്ടാം മത്സരത്തിൽ അർദ്ധ സെഞ്ച്വറിയും നേടിയാണ് ഗെയ്ക്വാദ് തിളങ്ങിയത്. ആദ്യ മത്സരത്തിൽ 117 റൺസും രണ്ടാം മത്സരത്തിൽ പുറത്താവാതെ 68 റൺസും നേടിയാണ് താരം തിളങ്ങിയത്. ഈ രണ്ട് മത്സരങ്ങളിലെ പ്ലയെർ ഓഫ് ദി മാച്ച് പുരസ്‌കാരം സ്വന്തമാക്കിയതും ഗെയ്ക്വാദ് തന്നെയാണ്. 

The three-match ODI series against South Africa begins tomorrow, with the first match being played in Ranchi. Ahead of the series, KL Rahul has spoken about Rituraj Gaikwad.