കോഴിക്കോട്: കേരളത്തിലെ എം.പിമാരുടെ പ്രകടനത്തില്‍ സംവാദമാകാമെന്ന് മുഖ്യമന്ത്രി പിണറായി വിജയന്‍. എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ ഉന്നയിച്ച പരസ്യസംവാദത്തിനുള്ള വെല്ലുവിളി മുഖ്യമന്ത്രി ഏറ്റെടുക്കുകയായിരുന്നു. സംവാദത്തിന് തയ്യാറാണെന്നും സമയവും തിയ്യതിയും അറിയിച്ചാല്‍ മതിയെന്നും മുഖ്യമന്ത്രി പ്രതികരിച്ചു. 

'അതിദാരിദ്രമുക്ത സംസ്ഥാനമായി പ്രഖ്യാപിച്ചത് കൊണ്ട് കേരളത്തിലെ എഎവൈ കാര്‍ഡുകള്‍ ഇല്ലാതാക്കാന്‍ പറ്റുമോ എന്നാണ് യു.ഡി.എഫ് എം.പിമാര്‍ നോക്കുന്നത്. കേരള വിരുദ്ധതയാണ് ഇവരുടെ മനസിലുള്ളത്. പാര്‍ലമെന്റില്‍ കുനിഷ്ഠ ചോദ്യം ചോദിക്കാന്‍ വലിയ ആവേശമാണ് എന്‍,കെ പ്രേമചന്ദ്രനും എം.കെ രാഘവനും'- മുഖ്യമന്ത്രി പറഞ്ഞു.

കേരളത്തിന്റെ വികസന വിഷയങ്ങള്‍ പാര്‍ലമെന്റില്‍ ഉന്നയിക്കുന്നതില്‍ യു.ഡി.എഫ് എം.പിമാര്‍ പരാജയപ്പെട്ടുവെന്ന മുഖ്യമന്ത്രിയുടെ പ്രസ്താവനയാണ് രാഷ്ട്രീയ വാക്‌പോരിന് തുടക്കമിട്ടത്. ഇതിന് മറുപടിയായി കെ.സി. വേണുഗോപാല്‍ മുഖ്യമന്ത്രിയെ പരസ്യസംവാദത്തിന് വെല്ലുവിളിക്കുകയായിരുന്നു. പി.എം. ശ്രീ സ്‌കൂള്‍ പദ്ധതി കരാറില്‍ ജോണ്‍ ബ്രിട്ടാസ് എം.പി പാലമായെന്ന കേന്ദ്രമന്ത്രിയുടെ വെളിപ്പെടുത്തലിനെ തുടര്‍ന്ന്, ബ്രിട്ടാസിനെ ന്യായീകരിക്കുകയും യു.ഡി.എഫ് എം.പിമാരുടെ പാര്‍ലമെന്റിലെ പ്രവര്‍ത്തനത്തെ വിമര്‍ശിക്കുകയും ചെയ്ത മുഖ്യമന്ത്രിയുടെ പ്രസ്താവനയോട് പ്രതികരിച്ചാണ് കെ.സി. വേണുഗോപാല്‍ രംഗത്തെത്തിയത്.

Kerala Chief Minister Pinarayi Vijayan has responded positively to AICC General Secretary K.C. Venugopal’s challenge for a public debate on the performance of Kerala MPs in Parliament. The Chief Minister said he is ready for the debate and asked the Congress leadership to fix a date and time.