HOME
DETAILS
MAL
വണ്ടൂരിൽ ബാറിൽ യുവാവിന്റെ ആക്രമണം: രണ്ട് ജീവനക്കാർക്ക് കുത്തേറ്റു, മദ്യക്കുപ്പികളും ഫർണിച്ചറുകളും തകർത്തു
Web Desk
December 07, 2025 | 2:47 PM
മലപ്പുറം: മലപ്പുറം വണ്ടൂരിൽ ബാറിനുള്ളിൽ യുവാവ് നടത്തിയ ആക്രമണത്തിൽ രണ്ട് ജീവനക്കാർക്ക് കുത്തേറ്റു. വണ്ടൂർ കരുണാലയപ്പടി സ്വദേശി ഷിബിൽ ആണ് അക്രമം നടത്തിയത്.
രണ്ട് ജീവനക്കാർക്ക് പരിക്ക്
ഇന്ന് വൈകിട്ട് നാല് മണിയോടെയാണ് ആക്രമണം നടന്നത്. ലഹരിയിലായിരുന്ന ഷിബിൽ ബാർ ജീവനക്കാരെ ആക്രമിക്കുകയായിരുന്നു. തിരുവാലി സ്വദേശി ആകാശ്, കോഴിക്കോട് സ്വദേശി അഭിജിത്ത് എന്നിവർക്കാണ് കുത്തേറ്റത്. സംഘർഷത്തിനിടയിൽ ഷിബിലിനും കത്തിക്കുത്തിൽ പരിക്കേറ്റു.പരിക്കേറ്റ മൂന്ന് പേരെയും ഉടൻ തന്നെ വണ്ടൂർ താലൂക്ക് ആശുപത്രിയിൽ പ്രവേശിപ്പിച്ചു.
വ്യാപക നാശനഷ്ടം
ബാറിലെ മദ്യക്കുപ്പികളും ഫർണിച്ചറുകളും ഷിബിൽ അടിച്ചു തകർക്കുകയും ചെയ്തു. സംഭവത്തിൽ പൊലിസ് കേസെടുത്ത് അന്വേഷണം ആരംഭിച്ചു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."