വോട്ട് ചെയ്യാൻ രാഹുലെത്തുമോ? എത്തുമെന്ന് പ്രാദേശിക നേതാക്കൾ; ബിജെപി-ഡിവൈഎഫ്ഐ പ്രതിഷേധത്തിന് സാധ്യത; സുരക്ഷ വർധിപ്പിച്ചു
പാലക്കാട്: 15 ദിവസമായി ഒളിവിലായിരുന്ന രാഹുൽ മാങ്കൂട്ടത്തിൽ എംഎൽഎ തദ്ദേശ തിരഞ്ഞെടുപ്പിൽ വോട്ട് രേഖപ്പെടുത്താനായി ഇന്ന് പാലക്കാട് എത്തിയേക്കും.
രണ്ടാമത്തെ ബലാത്സംഗ കേസിൽ തിരുവനന്തപുരം പ്രിൻസിപ്പൽ സെഷൻസ് കോടതി ബുധനാഴ്ച എംഎൽഎക്ക് ഉപാധികളോടെ മുൻകൂർ ജാമ്യം അനുവദിച്ചിരുന്നു. ബംഗളൂരു സ്വദേശിനിയായ 23കാരിയെ വിവാഹവാഗ്ദാനം നല്കി പീഡിപ്പിച്ചെന്നാണ് കേസ്. ഈ സാഹചര്യത്തിലാണ് രാഹുൽ ഇന്ന് പാലക്കാട് എത്തുമെന്ന് സൂചന ലഭിക്കുന്നത്.
പാലക്കാട് നഗരസഭയിലെ കുന്നത്തൂർമേട് സെന്റ് സെബാസ്റ്റ്യൻ സ്കൂളിലെ രണ്ടാം നമ്പർ ബൂത്തിലാണ് രാഹുലിന് വോട്ട് ചെയ്യാനുള്ള സൗകര്യം ഒരുക്കിയിട്ടുള്ളത്. എംഎൽഎ താമസിക്കുന്ന ഫ്ലാറ്റ് സ്ഥിതിചെയ്യുന്ന 24-ാം വാർഡാണ് ഇത്. ഈ വാർഡിൽ രാഹുൽ നേരത്തെ പ്രചാരണം നടത്തിയിരുന്നു.
രാഹുൽ വോട്ട് ചെയ്യാൻ എത്തുമെന്നാണ് പൊലിസിന് ലഭിച്ച വിവരം. രാഹുലുമായി അടുത്ത ബന്ധമുള്ള കോൺഗ്രസ് നേതാക്കൾ പറയുന്നതനുസരിച്ച്, വൈകുന്നേരം 5 മണിക്കും 6 മണിക്കും ഇടയിലായിരിക്കും അദ്ദേഹം ബൂത്തിൽ എത്തുക.
എംഎൽഎ എത്തുമ്പോൾ വോട്ട് ചെയ്യാനെത്തുമ്പോൾ ഡിവൈഎഫ്ഐയും ബിജെപിയും പ്രതിഷേധം നടത്താൻ സാധ്യതയുണ്ട്. അതിനാൽ, ക്രമസമാധാനം ഉറപ്പാക്കാൻ പ്രദേശത്ത് കൂടുതൽ പൊലിസുകാരെ വിന്യസിച്ചിട്ടുണ്ട്.
Rahul Mamkootathil, the MLA who has been absconding for 15 days, is expected to arrive in Palakkad to cast his vote in the local body elections today. He will likely vote at St. Sebastian's School, Kunnathurmedu, where he is registered as a voter in Ward No. 24 of Palakkad Municipality.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."