കൊല്ലം: എല്ലാ വീടുകളിലും ശുചിമുറി ഉറപ്പാക്കുന്ന ഒ.ഡി.എഫ് പദ്ധതി പ്രവര്‍ത്തനങ്ങള്‍ ത്വരിതഗതിയിലാക്കാന്‍ ഉദ്യോഗസ്ഥര്‍ ശ്രദ്ധിക്കണമെന്ന് മന്ത്രി ജെ. മേഴ്‌സിക്കുട്ടിയമ്മ പറഞ്ഞു.
കലക്ടറേറ്റില്‍ നടന്ന പദ്ധതി അവലോകന യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു മന്ത്രി. നിലവിലെ സാഹചര്യത്തില്‍ കൊല്ലം ജില്ലയിലെ ഒ.ഡി.എഫ് പ്രവര്‍ത്തനങ്ങള്‍ ഇനിയും മുന്നേറാനുണ്ട്. സ്ഥലലഭ്യത, ഫണ്ടിന്റെ അപര്യാപ്തത തുടങ്ങിയ കാരണങ്ങളാണ് തടസമായി ചൂണ്ടിക്കാണിക്കപ്പെടുന്നത്. ഇക്കാര്യത്തില്‍ തദ്ദേശ സ്വയംഭരണ സ്ഥാപനങ്ങള്‍ മുന്‍കൈ എടുക്കണം. പദ്ധതിയുടെ പുരോഗതി വിലയിരുത്താന്‍ 26 ന് വീണ്ടും യോഗം ചേരും. എം.പിമാരായ എന്‍.കെ പ്രേമചന്ദ്രന്‍, കെ സോമപ്രസാദ്, മേയര്‍ വി. രാജന്ദ്രബാബു, ജില്ലാ കലക്ടര്‍ മിത്ര ടി, അസിസ്റ്റന്റ് കലക്ടര്‍ ആശാ അജിത് തുടങ്ങിയവര്‍ പങ്കെടുത്തു.