ലക്കിടി: താമരശേരി ചുരത്തില്‍ ഇന്നുമുതല്‍ ഗതാഗത നിയന്ത്രണം ഏര്‍പ്പെടുത്തുമെന്ന് പൊതുമരാമത്ത് വകുപ്പ് ദേശീയപാതാ ഉപവിഭാഗം അസിസ്റ്റന്റ് എഞ്ചിനീയര്‍ അറിയിച്ചു. ചുരം നിര്‍മാണ പ്രവൃത്തിയുടെ ഭാഗമായി ആറ്, ഏഴ്, എട്ട് വളവുകളില്‍ മുറിച്ചിട്ട മരങ്ങള്‍ ക്രെയിന്‍ ഉപയോഗിച്ച് ലോറിയില്‍ കയറ്റുന്നതിനും ചുരം റോഡില്‍ അറ്റകുറ്റപ്പണികള്‍ നടത്തുന്നതിനുമാണ് ഗതാഗത നിയന്ത്രണം ഏര്‍പ്പെടുത്തുന്നത്. 

രാവിലെ എട്ട് മുതല്‍ വൈകീട്ട് ആറ് വരെയായിരിക്കും പ്രവൃത്തികള്‍ നടക്കുക. ഗതാഗതക്കുരുക്ക് ഒഴിവാക്കാന്‍ യാത്രക്കാര്‍ രാവിലെ എട്ടിന് മുന്‍പും വൈകീട്ട് ആറിന് ശേഷവുമായി യാത്ര ക്രമീകരിക്കണമെന്ന് അധികൃതര്‍ അറിയിച്ചു. 

ALSO READ: കോഴിക്കോട് ബിവറജിലേക്ക് മദ്യവുമായി വന്ന ലോറി അപകടത്തില്‍പ്പെട്ട് ഡ്രൈവര്‍ക്ക് ദാരുണാന്ത്യം 

മള്‍ട്ടി ആക്‌സില്‍ വാഹനങ്ങളും ഭാരവാഹനങ്ങളും കുറ്റ്യാടി ചുരം വഴിയോ നാടുകാണി ചുരം വഴിയോ പോകണം. പ്രവൃത്തി പൂര്‍ത്തിയാകുന്നത് വരെ ചുരത്തില്‍ ഗതാഗത നിയന്ത്രണം തുടരുമെന്ന് പൊതുമരാമത്ത് വകുപ്പ് അറിയിച്ചിട്ടുണ്ട്.

the assistant engineer of the national highway division of the public works department said that traffic restrictions will be imposed on the thamarassery ghat road starting today. the restrictions are due to construction work, including loading cut trees onto lorries using cranes at the 6th, 7th, and 8th hairpin bends, and carrying out road repair work on the ghat road.