തിരുവനന്തപുരം: ആറ്റിങ്ങലിൽ സ്കൂൾ കെട്ടിടത്തിൽ നിന്നും വീണ് പത്താം ക്ലാസ് വിദ്യാർത്ഥിനിക്ക് പരുക്ക്. കെട്ടിടത്തിന്റെ രണ്ടാം നിലയിൽ നിന്നുമാണ് വിദ്യാർത്ഥിനി വീണത്. ആറ്റിങ്ങൽ ഗവ. ഗേൾസ് ഹൈ സ്കൂളിൽ ഇന്ന് ഉച്ചക്കാണ് അപകടം നടന്നത്.  കാലിന് പരുക്കേറ്റ ആലംകോട് സ്വദേശിയായ പെൺകുട്ടിയെ തിരുവന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു. വിദ്യാർത്ഥിനി എങ്ങനെയാണ് കെട്ടിടത്തിൽ നിന്നും വീണതെന്ന് വ്യക്തമല്ല.