റിയാദ്: സൗദി വിൻ്റർ പ്രോഗ്രാമിൻ്റെ ഭാഗമായി റിയാദ്, ദിരിയ നഗരങ്ങളിലെ പ്രധാന വിനോദസഞ്ചാര കേന്ദ്രങ്ങൾ ടൂറിസം മന്ത്രി അഹമ്മദ് അൽ ഖത്തീബ് സന്ദർശിച്ചു. “വിൻ്റർ ഈസ് എലൈവ്”എന്ന ആശയത്താൽ സംഘടിപ്പിക്കുന്ന ശീതകാല പരിപാടികൾ വിലയിരുത്താനായിരുന്നു അദ്ദേഹത്തിന്റെ സന്ദർശനം. അൽ-ദിറ വിൻ്റർ, ബൊളിവാർഡ് സിറ്റി, അത്-തുറൈഫ് ഡിസ്ട്രിക്റ്റ്, അൽ-ഹുവൈത്ത്, ലയാലി അൽ-ദിരിയ, മൻസാൽ തുടങ്ങിയ ആറ് പ്രധാനപ്പെട്ട സ്ഥലങ്ങളായിരുന്നു അദ്ദേഹം സന്ദർശിച്ചത്. 

ALSO READ: Hajj 2026: ഗുരുതര ആരോഗ്യപ്രശ്‌നങ്ങളുള്ളവര്‍ക്ക് ഹജ്ജ് ചെയ്യാനാകില്ല, വിലക്ക് ആറു വിഭാഗങ്ങൾക്ക്

മധ്യ റിയാദിലെ മൊയ്‌ഖ്‌ലിയ ജില്ലയിൽ നിന്നായിരുന്നു സന്ദർശനം ആരംഭിച്ചത്. ബൊളിവാർഡ് സിറ്റിയിൽ നിന്നും റിയാദ് സീസണിലെ പുത്തൻ ആകർഷകമായ "ഫ്ലൈയിംഗ് ഓവർ സൗദി" അദ്ദേഹം അനുഭവിച്ചറിഞ്ഞു. ദിരിയയിലെ ചരിത്രപ്രസിദ്ധമായ അത്-തുറൈഫ് ഡിസ്ട്രിക്റ്റിൽ നിന്നും "ഹൽ അൽ-ഖുസൂർ" മന്ത്രി സന്ദർശിച്ചു. ആദ്യ സൗദി ഭരണകൂടത്തിൻ്റെ കാലത്തെ ഇമാമുമാരുടെയും രാജകുമാരന്മാരുടെയും കൊട്ടാരങ്ങളിലൂടെയുള്ള ഒരു യാത്രയാണിത്. സാംസ്കാരികവും വിദ്യാഭ്യാസപരവുമായ പ്രാധാന്യമുള്ള ചരിത്രപ്രസിദ്ധമായ അധ്വൈഹ്‌റ ജില്ലയിലെ കേന്ദ്രമായ അൽ-ഹുവൈത്ത് അദ്ദേഹം ഉദ്ഘാടനം ചെയ്തു. ദിരിയ സീസണിൻ്റെ ഭാഗമായ ലയാലി അൽ-ദിരിയ പരിപാടിയും സന്ദർശിച്ചു. 

ഈന്തപ്പന തോട്ടങ്ങൾക്കിടയിൽ ആധുനിക ഭക്ഷണശാലകൾ, തത്സമയ സംഗീതം, കലാപ്രകടനങ്ങൾ തുടങ്ങി പൈതൃകവും ആധുനികതയും ഒത്തുചേരുന്ന അനുഭവമായിരുന്നു ഇവിടെ അദ്ദേഹത്തിനായി ഒരുക്കിയിരുന്നത്. വാദി ഹനീഫയിലെ പ്രകൃതിദത്തമായ പാറക്കെട്ടുകൾക്കും താഴ്വരകൾക്കും ഇടയിൽ ഒരുക്കിയിരിക്കുന്ന മൻസാൽ കേന്ദ്രത്തിലെത്തിയായിരുന്നു മന്ത്രിയുടെ സന്ദർശനം അവസാനിപ്പിച്ചത്. 

Saudi Arabia's Minister of Tourism, Ahmed Al-Khateeb, conducted an extensive tour of six major tourist landmarks in Riyadh and Diriyah as part of the "Winter is Alive" program. The visit aimed to evaluate the progress and visitor experience of the 2026 winter calendar.