ദുബൈ: സുരക്ഷ, അഗ്‌നിശമന സേവന മേഖലകളിലെ ലോകത്തിലെ ഏറ്റവും വലിയ പ്രദര്‍ശനമായ 'ഇന്റര്‍സെക് 2026' (Intersec 2026) ജനുവരി 12 മുതല്‍ 14 വരെ ദുബൈ വേള്‍ഡ് ട്രേഡ് സെന്ററില്‍ നടക്കും. ദുബൈ തുറമുഖഅതിര്‍ത്തി സുരക്ഷാ കൗണ്‍സില്‍ ചെയര്‍മാന്‍ ശൈഖ് മന്‍സൂര്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂമിന്റെ രക്ഷാകര്‍തൃത്വത്തിലാണ് 27ാമത് പതിപ്പ് അരങ്ങേറുന്നത്.

പ്രദര്‍ശനത്തിന്റെ സവിശേഷതകള്‍:

പങ്കാളിത്തം: 60ലധികം രാജ്യങ്ങളില്‍ നിന്നായി 1,200ലേറെ പ്രദര്‍ശകര്‍. 50,000ത്തോളം സന്ദര്‍ശകരെയാണ് പ്രതീക്ഷിക്കുന്നത്.

വിസ്തൃതി: 65,000 ചതുരശ്ര മീറ്ററിലായി വ്യാപിച്ചുകിടക്കുന്ന പ്രദര്‍ശനം ഇന്റര്‍സെക്കിന്റെ ചരിത്രത്തിലെ ഏറ്റവും വലുതാണ്.

അന്താരാഷ്ട്ര പവലിയനുകള്‍: യു.കെ, ജര്‍മ്മനി, ഫ്രാന്‍സ്, ഇറ്റലി, സിംഗപ്പൂര്‍, സ്വീഡന്‍, ചൈന, തുര്‍ക്കി, കൊറിയ തുടങ്ങിയ രാജ്യങ്ങളുടെ ശക്തമായ സാന്നിധ്യം.

അഞ്ച് പ്രധാന മേഖലകള്‍: പ്രദര്‍ശനം പ്രധാനമായും അഞ്ച് വിഭാഗങ്ങളിലായാണ് ക്രമീകരിച്ചിരിക്കുന്നത്:

ഹോം ലാന്‍ഡ് സെക്യൂരിറ്റി & പൊലീസിങ്

സൈബര്‍ സുരക്ഷ

ഫയര്‍ & റെസ്‌ക്യൂ (അഗ്‌നിശമനവും രക്ഷാപ്രവര്‍ത്തനവും)

ആരോഗ്യ സുരക്ഷ (Saftey & Health)

കൊമേഴ്‌സ്യല്‍ സെക്യൂരിറ്റി

വിദഗ്ധ ചര്‍ച്ചകളും സമ്മിറ്റും: പ്രദര്‍ശനത്തോടനുബന്ധിച്ച് നടക്കുന്ന 'ഇന്റര്‍നാഷണല്‍ സെക്യൂരിറ്റി ലീഡേഴ്‌സ് സമ്മിറ്റില്‍' 250ലധികം ആഗോള വിദഗ്ധര്‍ പങ്കെടുക്കും. എ.ഐ (AI) ഗവേണന്‍സ്, ക്രൈസിസ് ലീഡര്‍ഷിപ്പ്, പൊതുസ്വകാര്യ പങ്കാളിത്തം തുടങ്ങിയ വിഷയങ്ങളില്‍ ചര്‍ച്ചകള്‍ നടക്കും. ഇതിനുപുറമെ തത്സമയ പ്രദര്‍ശനങ്ങളും (Live Demos) വര്‍ക്ക്‌ഷോപ്പുകളും സന്ദര്‍ശകര്‍ക്കായി ഒരുക്കിയിട്ടുണ്ട്.

ദുബൈ സിവില്‍ ഡിഫന്‍സ്, സെക്യൂരിറ്റി ഇന്‍ഡസ്ട്രി റെഗുലേറ്ററി ഏജന്‍സി (SIRA) എന്നിവയുടെ സഹകരണത്തോടെയാണ് മെസ് ഫ്രാങ്ക്ഫര്‍ട്ട് മിഡില്‍ ഈസ്റ്റ് ഈ പരിപാടി സംഘടിപ്പിക്കുന്നത്.

ALSO READ: പൗരത്വ രേഖകള്‍ കാണിച്ചിട്ടും നാടുകടത്തി; ഒഡീഷയില്‍നിന്നുള്ള പതിനാലംഗ ബംഗാളി കുടുംബത്തെ നാലുതവണ ഇന്ത്യയും ബംഗ്ലാദേശും പരസ്പരം തട്ടിക്കളിച്ചു

English Summary:

The 27th edition of Intersec, the world’s leading trade fair for security, safety, and fire protection, will be held at the Dubai World Trade Centre from January 12–14, 2026. Under the patronage of H.H. Sheikh Mansoor bin Mohammed bin Rashid Al Maktoum, the event features over 1,200 exhibitors from 60 countries and expects more than 50,000 visitors.