കാസര്‍കോട്: കുമ്പള അരിക്കാടിയില്‍ ടോള്‍ പിരിക്കാനുള്ള നീക്കത്തിനെതിരെ വന്‍ പ്രതിഷേധം. മഞ്ചേശ്വരം എം.എല്‍.എ എ.കെ.എം അഷ്‌റഫ് ഉള്‍പ്പെടെയുള്ളവരെ പൊലിസ് അറസ്റ്റ് ചെയ്ത് നീക്കി. എം.എല്‍.എയുടെ നേതൃത്വത്തില്‍ സമരക്കാര്‍ ദേശീയപാത ഉപരോധിച്ചതിന് പിന്നാലെയാണ് സംഘര്‍ഷമുണ്ടായത്. 

പ്രതിഷേധത്തെ തുടര്‍ന്ന് ദേശീയപാതയില്‍ മണിക്കൂറുകളോളം ഗതാഗതം സ്തംഭിച്ചു.ഇന്ന് രാവിലെ ഏഴരയോടെയാണ് പ്രതിഷേധം ആരംഭിച്ചത്. ദേശീയപാത അതോറിറ്റി നിശ്ചയിച്ച ടോള്‍ പ്ലാസകള്‍ക്കിടയിലെ ദൂരപരിധി 60 കിലോമീറ്ററാണ്. ഇത് ലംഘിച്ചാണ് കുമ്പളയില്‍ ടോള്‍ പ്ലാസ എന്നാണ് ആക്ഷന്‍ കമ്മിറ്റിയുടെ ആരോപണം. 

ALSO READ: ഡിജിറ്റല്‍ പ്രസില്‍ യുവാവ് പെട്രോളൊഴിച്ച് തീകൊളുത്തി ജീവനൊടുക്കി; കടയിലെ ജീവനക്കാരിക്ക് പൊള്ളലേറ്റു

ടോള്‍ പ്ലാസ പ്രവര്‍ത്തന സജ്ജമായതോടെ പ്രദേശവാസികളെയും യാത്രക്കാരെയും ഉള്‍പ്പെടുത്തിക്കൊണ്ടാണ് സമരസമിതി പ്രതിഷേധവുമായി രംഗത്തെത്തിയത്. 

അന്യായമായാണ് ടോള്‍ പിരിവ് നടത്തുന്നതെന്ന് എ.കെ.എം അഷ്‌റഫ് എം.എല്‍.എ പറഞ്ഞു. കോടതിയില്‍ കേസ് നിലനില്‍ക്കുകയാണ്. നിരന്തര സമരത്തിലൂടെ ടോള്‍ ഗെയിറ്റ് പൂട്ടിക്കുമെന്നും എത്ര അറസ്റ്റ് ചെയ്ത് നീക്കിയാലും വീണ്ടും സമരം നടത്തുമെന്നും അദ്ദേഹം പറഞ്ഞു.

A massive protest erupted at Arikkady in Kumbala, Kasaragod, against the proposed toll collection, leading to the arrest and removal of Manjeshwar MLA AKM Ashraf and several protesters. The agitation intensified after demonstrators, led by the MLA, blocked the national highway, causing traffic disruption for several hours.