ബംഗളൂരു: ഓഫിസില്‍ യുവതിയുമൊത്തുള്ള കര്‍ണാടക ഡി.ജി.പിയുടെ അശ്ലീല ദൃശ്യങ്ങള്‍ പുറത്തുവന്നു.  തുടര്‍ന്ന് കര്‍ണാടക ഡി.ജി.പി (സിവില്‍ റൈറ്റ്‌സ് എന്‍ഫോഴ്‌സ്‌മെന്റ്) കെ. രാമചന്ദ്ര റാവുവിനെ സസ്‌പെന്‍ഡ് ചെയ്തു.തന്റെ ഓഫീസിലെത്തിയ യുവതിയെ  രാമചന്ദ്ര റാവു ചുംബിക്കുന്നതടക്കമുള്ള ദൃശ്യങ്ങളാണ് ഒളിക്യാമറയിലൂടെ പുറത്തുവന്നത്. കര്‍ണാടക പൊലിസിന് വലി നാണക്കേടുണ്ടാക്കിയ സംഭവമായിരുന്നു ഇത്. ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിക്കുകയും വന്‍ വിവാദമാകുകയും ചെയ്തു. തുടര്‍ന്നാണ് സസ്‌പെന്‍ഷന്‍ നടപടി.

ALSO READ: ഒഡിഷയിൽ വൈദികന് നേരെ ആക്രമണം: ചാണകം ഭക്ഷിപ്പിച്ചു, 'ജയ് ശ്രീറാം' വിളിപ്പിച്ചു; അക്രമികൾക്കെതിരെ കേസില്ല; ഇരയ്‌ക്കെതിരെ മതംമാറ്റ നിരോധനനിയമപ്രകാരം കേസ്

യൂനിഫോമിലുള്ള ഡി.ജി.പിയുടെ യുവതിയുമൊത്തുള്ള വിവിധ ദൃശ്യങ്ങള്‍ കോര്‍ത്തിണക്കിയ 47 സെക്കന്‍ഡ് ദൈര്‍ഘ്യമുള്ള ദൃശ്യങ്ങളാണ് പ്രചരിച്ചത്. ആരാണ് ക്യാമറ സ്ഥാപിച്ച് വീഡിയോ പകര്‍ത്തിയത് എന്നത് വ്യക്തമല്ല. സംഭവത്തില്‍ മുഖ്യമന്ത്രി സിദ്ധരാമയ്യ അന്വേഷണത്തിന് ഉത്തരവിട്ടുണ്ടെന്ന് റിപ്പോര്‍്ട്ടുകള്‍ പറയുന്നു. 

നേരത്തെ സ്വര്‍ണക്കടത്തുകേസില്‍ രാമചന്ദ്ര റാവുവിന്റെ മകള്‍ രന്യാ റാവു അറസ്റ്റിലായിരുന്നു. കേസില്‍നിന്നും മകളെ രക്ഷപ്പെടുത്താന്‍ സഹായിച്ചുവെന്ന് രാമചന്ദ്ര റാവുവിനെതിരെ ആരോപണമുയരുകയും ചെയ്തു. തുടര്‍ന്ന് ഇദ്ദേഹം നിര്‍ബന്ധിത അവധിയിലായിരുന്നു. നിര്‍ബന്ധിത അവധി കഴിഞ്ഞ് സര്‍വീസില്‍ തിരികെ പ്രവേശിച്ചതിന് പിന്നാലെയാണ് ഒളിക്യാമറ ദൃശ്യങ്ങള്‍ പുറത്തുവന്നിരിക്കുന്നത്.

karnataka dgp (civil rights enforcement) k ramchandra rao has been suspended after an obscene hidden camera video with a woman inside his office went viral, triggering a major controversy.