ന്യൂഡല്‍ഹി: ശബരിമലയിലെ സ്വര്‍ണക്കൊള്ള കേസില്‍ ദേവസ്വം ബോര്‍ഡ് മുന്‍ പ്രസിഡന്റ് എന്‍. വാസു നല്‍കിയ ജാമ്യാപേക്ഷ സുപ്രfംകോടതി തള്ളി. വിശ്വാസി എന്ന് അവകാശപ്പെടുന്ന നിങ്ങള്‍ ദൈവത്തെ കൊള്ളയടിക്കുകയാണോ എന്ന് ജസ്റ്റിസ് ദിപാങ്കര്‍ ദത്തയുടെ അധ്യക്ഷയില്‍ ഉള്ള ബെഞ്ച് ആരാഞ്ഞു. 

കഴിഞ്ഞ 77 ദിവസമായി വാസു ജയിലില്‍ ആണെന്ന് അദ്ദേഹത്തിന് വേണ്ടി ഹാജരായ സീനിയര്‍ അഭിഭാഷകന്‍ ഷാജി പി ചാലി കോടതിയില്‍ ചൂണ്ടിക്കാട്ടി. 75 വയസ്സിലധികം പ്രായമായി. വാസു ദേവസ്വം കമ്മിഷണര്‍ ആയിരുന്നുവെന്നും, തിരുവാഭരണം കമ്മിഷണര്‍ ആയിരുന്നില്ലെന്നും അതിനാല്‍ ശബരിമലയിലെ സ്വര്‍ണം പൂശലുമായി വസുവിന് ബന്ധം ഇല്ലെന്നും അദ്ദേഹത്തിന്റെ അഭിഭാഷകര്‍ ചൂണ്ടിക്കാട്ടി. 

അതേസമയം, ജാമ്യത്തിനായി വാസുവിന് കീഴ്‌കോടതികളെ സമീപിക്കാമെന്ന് കോടതി അറിയിച്ചു. 

ALSO READ: സഭയില്‍ പാരഡി മേളം; 'സ്വര്‍ണ കട്ടവനാരപ്പാ' പാടി പ്രതിപക്ഷം; 'കോണ്‍ഗ്രസാണേ അയ്യപ്പാ' തിരിച്ചു പാടി ഭരണപക്ഷം; സഭയില്‍ അസാധാരണ നീക്കങ്ങള്‍, ഇന്നത്തേക്ക് പിരിഞ്ഞു   

 ജാമ്യം നിഷേധിച്ച ഹൈക്കോടതി ഉത്തരവിനെതിരെയാണ് എന്‍ വാസു അപ്പീല്‍ നല്‍കിയത്. കേസിലെ അന്വേഷണത്തിലെ പ്രധാന നടപടികളും തെളിവു ശേഖരണവും അടക്കം പൂര്‍ത്തിയായതിനാല്‍ ഇനി തന്റെ കസ്റ്റഡി അനിവാര്യമില്ലെന്നാണ് വാസു ഉന്നയിച്ചത്. പ്രായവും ആരോഗ്യത്തെയും പരിഗണിച്ച് ജാമ്യം നല്‍കണമെന്നും അപ്പീലില്‍ ആവശ്യപ്പെടുന്നുണ്ട്. 

അതേസമയം ശബരിമല സ്വര്‍ണ്ണക്കൊള്ള കേസിലെ പ്രതികളായ ദേവസ്വം ബോര്‍ഡ് മുന്‍ പ്രസിഡന്റ് എ പത്മകുമാര്‍, അഡ്മിനിസ്‌ട്രേറ്റീവ് ഓഫീസര്‍ മുരാരി ബാബു, ജ്വല്ലറി ഉടമ ഗോവര്‍ദ്ധന്‍ എന്നിവരുടെ ജാമ്യാപേക്ഷകള്‍ ഹൈക്കോടതി കഴിഞ്ഞദിവസം തള്ളിയിരുന്നു. ജസ്റ്റിസ് ബദറുദ്ദീന്‍ ആണ് ജാമ്യാപേക്ഷകള്‍ തള്ളിക്കൊണ്ട് വിധി പുറത്തു വിട്ടത്. 

സ്വര്‍ണക്കൊള്ളയില്‍ പങ്കില്ലെന്നും ഭരണപരമായ തീരുമാനം എടുക്കുകയും നടപ്പാക്കുകയും മാത്രമാണ് ചെയ്തത് എന്നാണ് പത്മകുമാറും മുരാരി ബാബുവും ഉന്നയിക്കുന്നത്. മറുഭാഗത്ത് ശബരിമലയിലേക്ക് ഒരു കോടി 40 ലക്ഷം രൂപ സ്‌പോണ്‍സര്‍ ചെയ്ത ആളാണ് താനെന്നും സ്വര്‍ണം കവര്‍ന്നെടുക്കേണ്ട കാര്യമില്ലെന്നും ഗോവര്‍ദ്ധന്‍ ഹൈക്കോടതിയില്‍ വ്യക്തമാക്കിയിരുന്നു. 

The Supreme Court has rejected the bail plea of N. Vasu, former president of the Travancore Devaswom Board, in connection with the Sabarimala gold smuggling case. During the hearing, a bench led by Justice Dipankar Datta questioned Vasu sharply, asking whether someone claiming to be a devotee was involved in looting a deity.