കുണിയ (കാസറഗോഡ്): സി.പി.എം വികസന മുന്നേറ്റ യാത്രക്കിടയിൽ കുണിയയിലെ സമസ്ത നൂറാം വാർഷിക അന്താരാഷ്ട്ര മഹാസമ്മേളന നഗരി സന്ദർശിച്ച് സി.പി.എം  സംസ്ഥാന സെക്രട്ടറി എം. വി. ഗോവിന്ദൻ. നഗരിയിലെത്തിയ അദ്ദേഹം സംഘാടകരെയും പ്രവർത്തകരെയും അഭിവാദ്യം  ചെയ്തു.

ആരാചകത്വവും അധർമ്മവും വാഴുന്ന കാലഘട്ടത്തിൽ സമൂഹത്തെ സംരക്ഷിക്കാനും മൂല്യബോധവും മാനവികതയും നിലനിർത്താനും ഇത്തരം സമ്മേളനങ്ങൾ ശക്തമായ പ്രതിരോധ വേദികളായി മാറണമെന്ന് അദ്ദേഹം അഭിപ്രായപ്പെട്ടു. മതസാമൂഹിക സംഘടനകൾ മനുഷ്യരെ ചേർത്തുനിർത്തുന്ന പ്രവർത്തനങ്ങളാണ് നടത്തേണ്ടതെന്നും, വർഗീയതയ്ക്കും വിഭജനശക്തികൾക്കും എതിരെ ഒരുമിച്ച് നിലകൊള്ളേണ്ട സമയമാണിതെന്നും അദ്ദേഹം ചൂണ്ടിക്കാട്ടി. സമൂഹത്തിൽ സഹവർത്തിത്വവും സമാധാനവും ശക്തിപ്പെടുത്തുന്ന സന്ദേശങ്ങളാണ് സമസ്ത പോലുള്ള സംഘടനകൾ ഉയർത്തിപ്പിടിക്കുന്നതെന്നും, അത്തരം ശ്രമങ്ങൾക്കുള്ള പിന്തുണ തന്റെ ഭാഗത്ത് നിന്നുണ്ടാകുമെന്നും സഖാവ് എം. വി. ഗോവിന്ദൻ വ്യക്തമാക്കി. സി.എച്ച് കുഞ്ഞമ്പു എം.എൽ.എ, രാജഗോപാൽ എം.എൽ.എ, ഖാസിം ഇരിക്കൂർ, ഇബ്രാഹിം ഹാജി കുണിയ, പി.കെ താജുദ്ദീൻ ദാരിമി പടന്ന, റശീദ് ബെളിഞ്ചം, കെ.എ മൊയ്തു, കെ.കെ ഉമ്മർ തുടങ്ങിയവർ സംബന്ധിച്ചു.

ALSO READ: സമസ്ത നൂറാം വാര്‍ഷിക അന്താരാഷ്ട്ര സമ്മേളനം; നൂറ് പതാകകള്‍ നാളെ കാസര്‍കോട്ടെത്തും  

c.p.m state secretary m. v. govindan visited the city for the centenary international grand conference of samasta.