ചെന്നൈ: തമിഴ്‌നാട് നിയമസഭ തെരഞ്ഞെടുപ്പിന് ആവേശം പകർന്ന് മുഖ്യമന്ത്രി എം.കെ. സ്റ്റാലിനും തമിഴക വെട്രി കഴകം (TVK) അധ്യക്ഷൻ വിജയ്‌യും നാമനിർദേശ പത്രിക സമർപ്പിച്ചു. 2011 മുതൽ താൻ പ്രതിനിധീകരിക്കുന്ന കൊളത്തൂരിൽ തന്നെയാണ് എം.കെ. സ്റ്റാലിൻ ഇത്തവണയും ജനവിധി തേടുന്നത്. മുതിർന്ന പാർട്ടി നേതാക്കൾക്കും പ്രവർത്തകർക്കുമൊപ്പം വൻ സുരക്ഷാ അകമ്പടിയോടെയാണ് സ്റ്റാലിൻ പത്രിക സമർപ്പണത്തിനെത്തിയത്.

ALSO READ: ലക്ഷ്യം ഇറാന്റെ എണ്ണയെന്ന് സമ്മതിച്ച് ട്രംപ്; വെനിസ്വേലയാണ് മാതൃക,  ഖാര്‍ഗ് ദ്വീപ് പിടിച്ചെടുക്കുമെന്നും യു.എസ് പ്രസിഡന്റ് 

കൊളത്തൂരിൽ മാത്രമല്ല, തമിഴ്‌നാട്ടിലുടനീളം ഡി.എം.കെ സഖ്യം വൻ വിജയം നേടുമെന്നും, സർക്കാരിന്റെ വികസന പ്രവർത്തനങ്ങൾ ജനങ്ങൾ ഏറ്റെടുക്കുമെന്നും സ്റ്റാലിൻ പറഞ്ഞു. കൂടാതെ, പത്രികാ സമർപ്പണത്തിന് പിന്നാലെ മണ്ഡലത്തിൽ സ്റ്റാലിൻ റോഡ് ഷോയും നടത്തി.

സജീവ രാഷ്ട്രീയത്തിലേക്കുള്ള ചുവടുവെപ്പിൽ ആരാധകരെയും രാഷ്ട്രീയ നിരീക്ഷകരെയും ഒരുപോലെ ആവേശത്തിലാക്കുകയാണ്. ഇന്ന് പെരമ്പൂരിലെത്തി വിജയ് പത്രിക സമർപ്പിച്ചു. പെരമ്പൂരിനെ കൂടാതെ, തിരുച്ചിറപ്പള്ളി ഈസ്റ്റിലും വിജയ് മത്സരിക്കുന്നുണ്ട്.