തൃശൂർ: പീച്ചി വനത്തിനുള്ളിൽ കാട്ടാനയുടെ ആക്രമണത്തിൽ യുവാവ് കൊല്ലപ്പെട്ടു. മയിലാടുംപാറ സ്വദേശി ഷിജു (35) ആണ് മരിച്ചത്. ഇന്ന് വൈകുന്നേരം അഞ്ച് മണിയോടെയായിരുന്നു നാടിനെ നടുക്കിയ ദാരുണ സംഭവം നടന്നത്. ഷിജുവും സുഹൃത്തുക്കളും ഉൾപ്പെടെ അഞ്ചംഗ സംഘമാണ് വനത്തിനുള്ളിൽ പോയിരുന്നത്.

ALSO READ: മാവൂരിൽ സഹോദരങ്ങളെ കാറിടിച്ച് കൊലപ്പെടുത്താൻ ശ്രമിച്ച സംഭവം: പ്രതി പിടിയിൽ

കാട്ടാന മുന്നിൽപ്പെട്ടതോടെ കൂടെയുണ്ടായിരുന്ന നാല് പേർ ഓടി രക്ഷപ്പെട്ടെങ്കിലും ഷിജു ആനയുടെ മുന്നിൽ അകപ്പെടുകയായിരുന്നു. ആനയുടെ ആക്രമണത്തിൽ ഷിജു സംഭവസ്ഥലത്തുതന്നെ മരണപ്പെട്ടു.

വിവരമറിഞ്ഞ ഉടൻ വനം വകുപ്പ് ഉദ്യോഗസ്ഥരും പൊലിസും സ്ഥലത്തെത്തിയിരുന്നു. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റി. പ്രദേശത്ത് വനം വകുപ്പ് നിരീക്ഷണം ശക്തമാക്കിയിട്ടുണ്ട്. കാട്ടാനശല്യം രൂക്ഷമാകുന്ന സാഹചര്യത്തിൽ വനത്തോടു ചേർന്നുള്ള പ്രദേശങ്ങളിൽ ജനങ്ങൾ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.

A young man lost his life following a wild elephant attack in Thrissur. The incident occurred when the elephant strayed into a human-populated area, leading to the fatal encounter. This tragic event has once again raised serious concerns among local residents regarding the increasing frequency of man-animal conflicts in the region.