നീലേശ്വരം: ഓണാഘോഷത്തിന്റെ ഭാഗമായി രാജാസ് എച്ച്.എസ്.എസിലെ എന്‍.എസ്.എസ് വളണ്ടിയര്‍മാരൊരുക്കിയതു നന്മയുടെ പൂക്കളം. പണം കൊടുത്തു പൂക്കളമൊരുക്കുന്നതിനു പകരം ആ തുക നല്ലതിനായി വിനിയോഗിക്കാന്‍ അവര്‍ തീരുമാനിക്കുകയായിരുന്നു.
ഇതേതുടര്‍ന്നു നാടന്‍ പൂക്കള്‍ കൊണ്ട് ഇവര്‍ പൂക്കളമൊരുക്കി. പൂവാങ്ങാന്‍ ചെലവഴിക്കുന്ന തുകയുപയോഗിച്ച് ഏഴു വിദ്യാര്‍ഥികള്‍ക്കു ഓണക്കോടിയും ഓണക്കിറ്റും സമ്മാനിച്ചു.
പി.ടി.എ പ്രസിഡന്റ് എം.വി ഭരതന്‍ കിറ്റുകള്‍ വിതരണം ചെയ്തു. പി വിജീഷ്, എം രാജീവന്‍ സംസാരിച്ചു.