വഡോദര: 2026 വിമൺസ് പ്രിമീയർ ലീഗ് കിരീടം സ്വന്തമാക്കി റോയൽ ചലഞ്ചേഴ്‌സ് ബെംഗളൂരു. വഡോദരയിൽ നടന്ന കലാശപ്പോരാട്ടത്തിൽ ഡൽഹി ക്യാപ്പിറ്റൽസിനെ ആറ് വിക്കറ്റുകൾക്ക് വീഴ്ത്തിയാണ് ആർസിബി ചാമ്പ്യന്മാരായത്. മത്സരത്തിൽ ആദ്യം ബാറ്റ് ചെയ്ത ഡൽഹി 20 ഓവറിൽ മൂന്ന് വിക്കറ്റ് നഷ്ടത്തിൽ 203 റൺസാണ് നേടിയത്. വിജയലക്ഷ്യം പിന്തുടർന്ന ബെംഗളൂരു നാല് വിക്കറ്റ് നഷ്ടത്തിൽ ലക്ഷ്യം മറികടന്നു. 

ആർസിബിയുടെ രണ്ടാം കിരീടമാണിത്. ഇതിന് മുമ്പ് 2024ലാണ് ആർസിബി കിരീടം നേടിയിരുന്നത്. തുടർച്ചയായ നാലാം വിമൺസ് പ്രിമീയർ ലീഗ് ഫൈനലിലാണ് ഡൽഹി പരാജയപ്പെടുന്നത്. ഇതോടെ ഡൽഹിയുടെ ആദ്യ കിരീടത്തിനായുള്ള കാത്തിരിപ്പ് തുടരും. 

മത്സരത്തിന്റെ രണ്ടാം ഓവറിൽ തന്നെ ഗ്രേസ് ഹാരിസിനെ നഷ്ടമായി. എന്നാൽ പിന്നീടങ്ങോട്ട് ക്യാപ്റ്റൻ സ്‌മൃതി മന്ദാനയുടെയും ജോർജിയ വോളിന്റെയും തകർപ്പൻ പ്രകടനമാണ് ഡൽഹിയുടെ ആദ്യ കിരീടമെന്ന സ്വപ്നം തല്ലിതകർത്ത്. 

ഇരുവരും അർദ്ധ സെഞ്ച്വറി നേടിയാണ് തിളങ്ങിയത്. സ്‌മൃതി മന്ദാന 41 പന്തിൽ 87 റൺസ് നേടിയാണ് ആർസിബിയുടെ വിജയശില്പിയായത്. 12 ഫോറുകളും മൂന്ന് സിക്സുകളും അടങ്ങുന്നതാണ് സ്‌മൃതിയുടെ ഇന്നിംഗ്സ്. 54 പന്തിൽ 79 റൺസ് നേടിയാണ് ജോർജിയ വിൽ തിളങ്ങിയത്. 14 ഫോറുകളാണ് താരം നേടിയത്. 

നേരത്തെ ആദ്യം ബാറ്റ് ചെയ്ത ഡൽഹിക്കായി ക്യാപ്റ്റൻ ജെമീമ റോഡ്രിഗസ് അർദ്ധ സെഞ്ച്വറി നേടി മികച്ച പ്രകടനം നടത്തി. 37 പന്തിൽ 57 റൺസ് നേടിയാണ് ജെമീമ മികവ് കാട്ടിയത്. എട്ട് ഫോറുകളാണ് താരത്തിന്റെ ബാറ്റിൽ നിന്നും പിറന്നത്. ലോറ വോൾവാർഡ് 25 പന്തിൽ മൂന്ന് ഫോറുകളും രണ്ട് സിക്സുകളും അടക്കം 44 റൺസും നേടി മികച്ചു നിന്നു. അവസാന ഓവറുകളിൽ ചിനെല്ലെ ഹെൻറി 15 പന്തിൽ പുറത്താവാതെ 35 റൺസും നേടി ടീമിന് മികച്ച ടോട്ടൽ നൽകുന്നതിൽ നിർണായകമായി. 

Royal Challengers Bangalore won the 2026 Women's Premier League title. RCB defeated Delhi Capitals by nine wickets in the final match held in Vadodara. Batting first, Delhi scored 203 runs for the loss of three wickets in 20 overs. Chasing the target, Bengaluru easily surpassed the target for the loss of one wicket.