തിരുവനന്തപുരം: അപകടത്തെ തുടര്‍ന്ന് വാഹനം നിര്‍ത്താതെ പോയെന്ന ആരോപണത്തില്‍ പ്രതികരണവുമായി നടന്‍ മണിയന്‍പിള്ള രാജു. ബൈക്ക് തന്റെ കാറിലാണ് വന്നിടിച്ചതെന്നും സുഖമില്ലാത്തതിനാലാണ് നിര്‍ത്താതെ പോയതെന്നും അദ്ദേഹം പറഞ്ഞു. 

'ബൈക്ക് യാത്രക്കാര്‍ അമിതവേഗതയിലായിരുന്നു. തന്റെ കാറിലാണ് ബൈക്ക് വന്നിടിച്ചത്. അത് സി.സി.ടിവിയില്‍ കാണാം. ഭാര്യ തനിച്ചായതിനാലാണ് നിര്‍ത്താതെ പോയത്. വാഹനം ഇടിച്ചപ്പോള്‍ താന്‍ ഭയന്നു. സുഹൃത്തുക്കളെ വിളിച്ച് അപ്പോള്‍ തന്നെ വിവരം പറഞ്ഞിരുന്നു. ആംബുലന്‍സ് ഏര്‍പ്പാടാക്കാനും പറഞ്ഞാണ് പോയത്. തനിക്ക് ചിക്കുന്‍ ഗുനിയയാണെന്നും മണിയന്‍പിള്ള രാജു പറഞ്ഞു.

ALSO READ: കാറിടിച്ച് നിര്‍ത്താതെ പോയ കേസില്‍ നടന്‍ മണിയന്‍പിള്ള രാജു അറസ്റ്റില്‍, ജീവഹാനി വരാവുന്ന രീതിയില്‍ വാഹനം ഓടിച്ചെന്ന് എഫ്.ഐ.ആര്‍  

ഇന്നലെ പത്തുമണിയോടെയാണ് വഴുതക്കാട്ടെ ട്രിവാന്‍ഡ്രം ക്ലബ്ബില്‍ നിന്ന് പുറത്തേക്ക് ഇറങ്ങവെ രാജുവിന്റെ കാര്‍ അപകടമുണ്ടാക്കിയത്. അപകടത്തില്‍ ബൈക്ക് യാത്രികരായ നിവേദ് കൃഷ്ണ, സൂരജ് എന്നിവര്‍ക്ക് സാരമായ പരുക്കേറ്റിരുന്നു. ഇവരെ തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. അപകടത്തിന് പിന്നാലെ അദ്ദേഹം വാഹനം നിര്‍ത്താതെ പോവുകയായിരുന്നു. അത് സി.സി.ടി.വിയില്‍ വ്യക്തമായി കാണാം.

അപകടത്തിന് പിന്നാലെ മണിയന്‍പിള്ള രാജുവിന്റെ ഫോണ്‍ സ്വിച്ച് ഓഫ് ചെയ്ത നിലയിലായിരുന്നു. ഇന്നലെ രാത്രി തന്നെ പൊലിസ് മണിയന്‍പിള്ള രാജുവിനെ അന്വേഷിച്ചെത്തിയെങ്കിലും കണ്ടെത്താന്‍ കഴിഞ്ഞിരുന്നില്ല.

Malayalam actor Maniyanpilla Raju has responded to allegations that he fled the scene after a road accident in Thiruvananthapuram. The incident occurred near the Trivandrum Club at Vazhuthacaud when a bike carrying two youths allegedly collided with his car. The injured riders, identified as Nived Krishna and Sooraj, sustained serious injuries and are currently undergoing treatment at a private hospital.