മോസ്‌കോ: റഷ്യയിലെ ബഷ്‌കോര്‍ട്ടോസ്താന്‍ റിപബ്ലിക്കിലുള്ള മെഡിക്കല്‍ യൂണിവേഴ്‌സിറ്റി ഹോസ്റ്റലില്‍ പതിനഞ്ചുകാരന്‍ നടത്തിയ ആക്രമണത്തില്‍ നാല് ഇന്ത്യന്‍ വിദ്യാര്‍ഥികള്‍ക്ക് പരിക്ക്. വിദേശ വിദ്യാര്‍ഥികള്‍ താമസിക്കുന്ന ഹോസ്റ്റലില്‍ അതിക്രമിച്ചു കയറിയ കൗമാരക്കാരന്‍ യാതൊരു പ്രകോപനവുമില്ലാതെ വിദ്യാര്‍ഥികളെ കുത്തുകയായിരുന്നു.

ഹോസ്റ്റലില്‍ അതിക്രമിച്ചു കയറിയ 15 വയസുകാരന്‍ വിദ്യാര്‍ഥികളെ ലക്ഷ്യം വച്ച് ആക്രമണം നടത്തുകയായിരുന്നു. 
പ്രതിയെ പിടികൂടാന്‍ ശ്രമിക്കുന്നതിനിടെ രണ്ട് പൊലിസുകാര്‍ക്കും കുത്തേറ്റു. ആക്രമണത്തിന് ശേഷം പ്രതി സ്വയം കുത്തി പരിക്കേല്‍പ്പിച്ചു. ഗുരുതരമായി പരിക്കേറ്റ ഇയാള്‍ ഇപ്പോള്‍ ആശുപത്രിയില്‍ ചികിത്സയിലാണ്.

ALSO READ: യു.എസ് - ഇറാന്‍ ചര്‍ച്ച: സ്വാഗതം ചെയ്ത് യു.എ.ഇ; ഒമാന്റെ മധ്യസ്ഥതയ്ക്ക് പ്രശംസ

പരിക്കേറ്റ ഇന്ത്യന്‍ വിദ്യാര്‍ഥികളുടെ ആരോഗ്യനില തൃപ്തികരമാണെന്നും അവര്‍ക്ക് ആവശ്യമായ വൈദ്യസഹായം ലഭ്യമാക്കുന്നുണ്ടെന്നും അധികൃതര്‍ അറിയിച്ചു. ആക്രമണത്തിന്റെ കാരണം ഇതുവരെ വ്യക്തമായിട്ടില്ല.

Four Indian medical students and two police officers were injured in Russia's Bashkortostan Republic after a 15-year-old boy went on a stabbing spree at a foreign students' hostel.