ദുബൈ: ഡിജിറ്റൽ സേവന രംഗത്ത് പുതിയ ചരിത്രമെഴുതി ദുബൈ ഇലക്ട്രിസിറ്റി ആൻഡ് വാട്ടർ അതോറിറ്റി (ദേവ). ദുബൈ നിവാസികൾക്ക് ബിൽ വിവരങ്ങൾ അറിയുന്നതിനും മറ്റ് സേവനങ്ങൾ തേടുന്നതിനും ഇനി മുതൽ ആർട്ടിഫിഷ്യൽ ഇന്റലിജൻസ് പ്ലാറ്റ്‌ഫോമായ ചാറ്റ്ജിപിടി (ChatGPT) ഉപയോഗിക്കാം. ഈ നേട്ടം കൈവരിക്കുന്ന ലോകത്തിലെ ആദ്യത്തെ സർക്കാർ സ്ഥാപനവും ആദ്യ യൂട്ടിലിറ്റി ദാതാവുമായി ഇതോടെ ദേവ മാറി.

അക്കൗണ്ട് വിവരങ്ങൾ, ബില്ലിംഗ് സംശയങ്ങൾ എന്നിവയ്ക്ക് പുറമെ ഇലക്ട്രിക് വാഹന ഉടമകൾക്ക് അടുത്തുള്ള ഇവി ഗ്രീൻ ചാർജർ സ്റ്റേഷനുകൾ കണ്ടെത്താനും ചാറ്റ്ജിപിടി വഴി സാധിക്കും. ഉപഭോക്താക്കൾക്ക് തങ്ങളുടെ പ്രദേശത്തെ കസ്റ്റമർ ഹാപ്പിനസ് സെന്ററുകളുടെ ലൊക്കേഷൻ, പ്രവൃത്തി സമയം, വിവിധ ആശയവിനിമയ ചാനലുകൾ എന്നിവയെക്കുറിച്ചുള്ള കൃത്യമായ വിവരങ്ങൾ ഈ സംഭാഷണ ഇന്റർഫേസിലൂടെ ലഭ്യമാകുമെന്ന് ദേവ ഔദ്യോഗികമായി അറിയിച്ചു.

ALSO READ: ദുബൈയിലെ അൽ ഖുദ്‌റ റോഡിൽ പുതിയ പാലം തുറന്നു; റാഞ്ചസ്, സ്റ്റുഡിയോ സിറ്റി യാത്രക്കാർക്ക് ആശ്വാസം 

ദുബൈയെ ലോകത്തിലെ ആദ്യത്തെ 'AI-നേറ്റീവ്' യൂട്ടിലിറ്റി നഗരമാക്കി മാറ്റുന്നതിനുള്ള പരിശ്രമങ്ങൾ വിജയകരമായി മുന്നേറുകയാണെന്ന് ദേവ മാനേജിംഗ് ഡയറക്ടറും സിഇഒയുമായ സയീദ് മുഹമ്മദ് അൽ തായർ വ്യക്തമാക്കി. ഉപഭോക്തൃ പെരുമാറ്റത്തിൽ ആഗോളതലത്തിൽ വലിയ മാറ്റങ്ങൾ വന്നുകൊണ്ടിരിക്കുകയാണെന്നും, ഗവൺമെന്റ് സേവനങ്ങളുമായി ഇടപഴകുന്നതിനുള്ള പ്രധാന മാർഗ്ഗമായി എഐ മാറിക്കഴിഞ്ഞെന്നും അദ്ദേഹം കൂട്ടിച്ചേർത്തു. സുരക്ഷയും സ്വകാര്യതയും മുൻനിർത്തി കൂടുതൽ സേവനങ്ങൾ ഘട്ടംഘട്ടമായി ഈ പ്ലാറ്റ്‌ഫോമിൽ ഉൾപ്പെടുത്താനാണ് അധികൃതരുടെ പദ്ധതി.

യുഎഇയിൽ എഐ സാങ്കേതികവിദ്യയുടെ സ്വീകാര്യത അതിവേഗം വർദ്ധിക്കുന്ന സാഹചര്യത്തിലാണ് ഈ നടപടി. കഴിഞ്ഞ വർഷത്തെ അപേക്ഷിച്ച് ചാറ്റ്ജിപിടി ഉപഭോക്താക്കളുടെ എണ്ണത്തിൽ മൂന്നിരട്ടി വർദ്ധനവാണ് രാജ്യത്തുണ്ടായത്. പ്രത്യേകിച്ചും 18 മുതൽ 34 വയസ്സ് വരെയുള്ളവരിലെ വലിയൊരു വിഭാഗം ആഴ്ചതോറും ഇത്തരം എഐ പ്ലാറ്റ്‌ഫോമുകൾ ഉപയോഗിക്കുന്നതായി റിപ്പോർട്ടുകൾ സൂചിപ്പിക്കുന്നു. പരമ്പരാഗത ഡിജിറ്റൽ രീതികളിൽ നിന്ന് മാറി ആധുനിക സാങ്കേതികവിദ്യ ഉപയോഗിച്ച് ജനജീവിതം കൂടുതൽ സുഗമമാക്കാനാണ് അധികൃതർ ഇതിലൂടെ ലക്ഷ്യമിടുന്നത്.

dubai introduces divine and religious guidance services through chatgpt, marking a revolutionary digital step to enhance accessibility, innovation, and smart governance by integrating artificial intelligence into faith-based services for residents and visitors.