ആഗോള തൊഴിൽ വിപണിയിൽ മലയാളികൾക്ക് കൂടുതൽ മുൻഗണന ഉറപ്പാക്കാനും കേരളത്തിൻ്റെ സാംസ്കാരിക പൈതൃകം രാജ്യാന്തരതലത്തിൽ പ്രചരിപ്പിക്കാനും മറ്റും സംസ്ഥാനത്ത് ഒരു 'അറബിക് & ഫോറിൻ ലാംഗ്വേജ് സർവ്വകലാശാല അടിയന്തരമായി സ്ഥാപിക്കണമെന്ന് സമസ്ത കേരള ജംഇയ്യത്തുൽ ഉലമ നൂറാം വാർഷിക സമ്മേളനം പ്രമേയത്തിലൂടെ സർക്കാരിനോട് ആവശ്യപ്പെട്ടു. 

അറബി ഭാഷയുടെയും അനുബന്ധ  പഠനങ്ങളുടെയും ആഴത്തിലുള്ള ഗവേഷണത്തോടൊപ്പം അന്താരാഷ്ട്ര ഭാഷാ വിവർത്തന പഠനങ്ങളും ആധുനിക സാങ്കേതിക വിദ്യയും കോർത്തിണക്കുന്ന ഒരു കേന്ദ്രീകൃത സർവ്വകലാശാല കാലഘട്ടത്തിന്റെ ആവശ്യമാണ്.

ALSO READ: ഈദ് ആഘോഷങ്ങള്‍ക്ക് മൂന്ന് ദിവസത്തെ ഔദ്യോഗിക അവധി അനുവദിക്കണം: സമസ്ത

കേരളത്തിന്റെ വിദ്യാഭ്യാസ മുന്നേറ്റത്തിൽ ചരിത്രപരമായ പങ്കുവഹിച്ച പള്ളിദർസുകൾ മുതൽ സമസ്തയുടെ വിദ്യാഭ്യാസ പ്രസ്ഥാനങ്ങൾ വരെയുള്ള വിപുലമായ വൈജ്ഞാനിക പാരമ്പര്യങ്ങളെ ഇതിനോട് കൂട്ടിയിണക്കാവുന്നതാണ്. നമ്മുടെ പാരമ്പര്യ വൈജ്ഞാനിക മികവിനെ ആധുനിക അക്കാദമിക് ലോകവുമായി ബന്ധിപ്പിക്കാൻ ഉതകുന്ന ഈ പദ്ധതി യാഥാർത്ഥ്യമാക്കാൻ സർക്കാർ സത്വര നടപടികൾ സ്വീകരിക്കണമെന്നും പ്രമേയം ആവശ്യപ്പെട്ടു. 

അബ്ദുസ്സലാം ബാഖവി വടക്കേക്കാട് അവതരിപ്പിച്ച പ്രമേയത്തെ കെ . ഉമർ ഫൈസി മുക്കം പിന്താങ്ങി. 

establish an arabic and foreign language university in kerala: samastha resolution