ദുബൈ: വിസ, റെസിഡൻസി, യാത്രാ രേഖകൾ തുടങ്ങിയ സർക്കാർ സേവനങ്ങൾക്കായി ഔദ്യോഗിക ചാനലുകൾ മാത്രം ഉപയോഗിക്കണമെന്ന് പൊതുജനങ്ങൾക്ക് നിർദ്ദേശം നൽകി ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (ജി.ഡി.ആർ.എഫ്.എ) ദുബൈ. സോഷ്യൽ മീഡിയ പ്ലാറ്റ്‌ഫോമുകളിലൂടെയാണ് അധികൃതർ ഈ സുപ്രധാന ഓർമ്മപ്പെടുത്തൽ നടത്തിയത്.

സുരക്ഷയും സുതാര്യതയും പ്രധാനം

സർക്കാർ അംഗീകരിച്ച ഡിജിറ്റൽ പ്ലാറ്റ്‌ഫോമുകളും സേവന കേന്ദ്രങ്ങളും (അമർ സെന്ററുകൾ ഉൾപ്പെടെ) അല്ലാതെ മറ്റ് അനൗദ്യോഗിക ഇടനിലക്കാരെ ആശ്രയിക്കരുത്. വ്യക്തിഗത വിവരങ്ങളുടെ സുരക്ഷ ഉറപ്പാക്കുന്നതിനും തട്ടിപ്പുകൾ ഒഴിവാക്കുന്നതിനുമാണിതെന്ന് ജി.ഡി.ആർ.എഫ്.എ വ്യക്തമാക്കി. ഔദ്യോഗിക ചാനലുകൾ വഴിയുള്ള ഇടപാടുകൾ നടപടിക്രമങ്ങളിലെ സുതാര്യത ഉറപ്പാക്കുകയും അനാവശ്യ ബുദ്ധിമുട്ടുകൾ ഒഴിവാക്കാൻ സഹായിക്കുകയും ചെയ്യും.

സമയബന്ധിതമായ സേവനം

 ഡിജിറ്റൽ സേവനങ്ങൾ പ്രയോജനപ്പെടുത്തുന്നത് വഴി അപേക്ഷകൾ സുരക്ഷിതമായും സമയബന്ധിതമായും പൂർത്തിയാക്കാൻ സാധിക്കും. തെറ്റായ വിവരങ്ങൾ നൽകുന്ന ഏജന്റുമാരെ കരുതിയിരിക്കണമെന്നും നിയമപരമായ നടപടിക്രമങ്ങൾ മാത്രം പിന്തുടരുന്നതാണ് സുരക്ഷിതമായ രീതിയെന്നും അധികൃതർ ആവർത്തിച്ചു.

സഹായത്തിന് വിളിക്കാം വിസയോ മറ്റ് രേഖകളോ സംബന്ധിച്ച ഏത് സംശയങ്ങൾക്കും അന്വേഷണങ്ങൾക്കുമായി ജി.ഡി.ആർ.എഫ്.എയുടെ ടോൾ ഫ്രീ നമ്പറായ 800 5111 എന്ന നമ്പറിൽ ബന്ധപ്പെടാവുന്നതാണ്.

The General Directorate of Residency and Foreigners Affairs (GDRFA) in Dubai has urged the public to use only official government platforms and authorized service centers for all transactions related to visas, residency, and travel documents.