അൽ നസറും ക്രിസ്റ്റ്യാനോ റൊണാൾഡോയും തമ്മിലുള്ള തർക്കം തുടരുന്നതിനിടെ സഊദി പ്രോ ലീഗിന് മുന്നറിയിപ്പ് നൽകിയിരിക്കുകയാണ് ജർമൻ ഇതിഹാസം ടോണി ക്രൂസ്. റൊണാൾഡോ അൽ നസർ വിടാൻ തീരുമാനിച്ചാൽ സഊദി പ്രോ ലീഗ് പിന്നീട് ആരും കാണില്ലെന്നാണ് ടോണി ക്രൂസ് പറഞ്ഞത്. സഊദി പ്രോ ലീഗ് ലോകത്തിൽ മികച്ച ശ്രദ്ധ നേടിയതിന് പിന്നിൽ റൊണാൾഡോ ആണെന്നും ജർമൻ ഇതിഹാസം വ്യക്തമാക്കി. ഫൂട്ട് മെർക്കാറ്റോക്ക് നൽകിയ അഭിമുഖത്തിൽ സംസാരിക്കുകയായിരുന്നു ടോണി ക്രൂസ്. 

"സഊദി ലീഗ് ലോകത്തിൽ നിന്നും വ്യത്യസ്തമാണ് ക്രിസ്റ്റ്യാനോ വരുന്നതിനു മുമ്പ് ആരും അതിനെക്കുറിച്ച് അറിഞ്ഞിരുന്നില്ല. ഇപ്പോൾ ഈ ലീഗിന് ഒരു ഇന്റർനാഷണൽ ശ്രദ്ധ കൊണ്ടുവന്ന ആ വ്യക്തിയെ അവർ അനാദരിക്കുകയാണ്. ഞാൻ നിങ്ങളോട് പറയുന്നു നാളെ റൊണാൾഡോ പോയാൽ ഈ ലീഗ് ഇനി ആരും കാണില്ല" ടോണി ക്രൂസ് പറഞ്ഞു.

നിലവിൽ 2027 വരെ റൊണാൾഡോക്ക് അൽ നസറുമായി കരാർ ഉണ്ടെങ്കിലും ലീഗിന്റെ നടത്തിപ്പുമായി ബന്ധപ്പെട്ട പല കാര്യങ്ങളിലും ക്രിസ്റ്റ്യാനോയ്ക്ക് അഭിപ്രായ വ്യത്യാസം ഉണ്ടെന്നും ഇത് രൂക്ഷമായതോടെ താരം ക്ലബ് വിടാൻ ആലോചിക്കുന്നുവെന്നുമാണ് സഊദി മാധ്യമങ്ങൾ റിപ്പോർട്ട് ചെയ്തത്.

ലീഗിന്റെ സാമ്പത്തിക കാര്യങ്ങൾ നിയന്ത്രിക്കുന്ന പബ്ലിക് ഇൻവെസ്റ്റ്‌മെന്റ് ഫണ്ട് അൽ നസറിനോട് പക്ഷപാതം കാട്ടുന്നതായും ടീമിലേക്ക് പുതിയ താരങ്ങളെ കൊണ്ടുവരാൻ അനുവദിക്കുന്നില്ലെന്നും റൊണാൾഡോ പരാതിപ്പെട്ടതായാണ് വിവരം. ഇത് ലീഗ് സംഘാടകരെ ചൊടിപ്പിച്ചു. റൊണാൾഡോ വെറുമൊരു താരമാണെന്നും ലീഗിന്റെ നടത്തിപ്പിൽ ഇടപെടേണ്ടതില്ലെന്നും സൗദി പ്രൊ ലീഗ് അധികൃതർ പറഞ്ഞിരുന്നു. ഇതോടെയാണ് കാര്യങ്ങൾ വഷളായത്.

As the dispute between Al Nassr and Cristiano Ronaldo continues, German legend Toni Kroos has warned the Saudi Pro League. Toni Kroos said that if Ronaldo decides to leave Al Nassr, no one will watch the Saudi Pro League anymore. The German legend also stated that Ronaldo is behind the Saudi Pro League gaining great attention in the world.