ന്യൂഡല്‍ഹി: സുരക്ഷ മാനദണ്ഡങ്ങള്‍ പാലിച്ചില്ലെന്ന കണ്ടെത്തലില്‍ എയര്‍ ഇന്ത്യക്ക് പിഴയിട്ട് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍. യാത്രക്കാരുടെ സുരക്ഷയില്‍ ഗുരുതര വീഴ്ച്ച വരുത്തിയെന്ന് ചൂണ്ടിക്കാട്ടി 1 കോടി രൂപയാണ് പിഴ ചുമത്തിയത്.

എയര്‍വര്‍ത്തിനെസ് പെര്‍മിറ്റ് ഇല്ലാതെ എട്ടുതവണ യാത്രാവിമാനം ഉപയോഗിച്ചെന്നാണ് ഡിജിസിഎ അന്വേഷണത്തില്‍ കണ്ടെത്തിയത്. ഓരോ വിമാനവും ടേക്ക് ഓഫിന് മുന്‍പായി നിര്‍ബന്ധമായും നടത്തേണ്ട സാങ്കേതിക പരിശോധനകള്‍ പൂര്‍ത്തിയാക്കണമെന്നാണ് നിയമം. ഇങ്ങനെ പരിശോധന പൂര്‍ത്തിയാക്കുന്ന വിമാനങ്ങള്‍ക്കാണ് എയര്‍വര്‍ത്തിനെസ് സര്‍ട്ടിഫിക്കറ്റ് നല്‍കുക. എന്നാല്‍ ഈ മാനദണ്ഡങ്ങള്‍ എയര്‍ ഇന്ത്യ പാലിച്ചില്ലെന്നാണ് കണ്ടെത്തല്‍. പിന്നാലെയാണ് നടപടി. 

ALSO READ: പത്തുമാസുകാരി ആലിന്റെ അവയവങ്ങൾ ഇനി അഞ്ച് ജീവനുകളിൽ തുടിക്കും; കേരളത്തിലെ ഏറ്റവും പ്രായം കുറഞ്ഞ അവയവദാതാവ് 

പിഴ തുക അടച്ച്, ഭാവിയില്‍ ഇത്തരം വീഴ്ച്ചകള്‍ ഇല്ലാതിരിക്കാനുള്ള കര്‍ശന നടപടികള്‍ സ്വീകരിക്കാനും ഡിജിസിഎ ഉത്തരവിട്ടിട്ടുണ്ട്. 

air india was fined by the director general of civil aviation for failing to follow safety standards. it was pointed out that there was a serious lapse in passenger safety, and a fine of 1 crore rupees was imposed