കൊല്ലം: ശബരിമല സ്വര്‍ണ്ണക്കൊള്ള കേസില്‍ ജയിലില്‍ കഴിയുന്ന ദേവസ്വം മുന്‍ കമ്മീഷണറും പ്രസിഡന്റുമായ എന്‍ാ വാസുവിനും സ്വാഭാവിക ജാമ്യം.  കൊല്ലം വിജിലന്‍സ് കോടതിയുടേതാണ് വിധി. റിമാന്‍ഡ് കാലാവധി 90 ദിവസം പിന്നിട്ടതിന് പിന്നാലെയാണ് ജാമ്യം അനുവദിച്ചത്.

കട്ടിളപ്പാളി കേസിലെ മൂന്നാം പ്രതിയാണ് വാസു.  എസ്‌ഐടി കുറ്റപത്രം സമര്‍പ്പിക്കാത്തത് കൂടി ചൂണ്ടിക്കാട്ടിയാണ് വാസു ജാമ്യത്തിനായി കോടതിയെ സമീപിച്ചത്. വിവേചനം കാണിക്കാന്‍ സാധിക്കില്ലെന്നും  ഇന്ന് വിധി പറയുമെന്നും കഴിഞ്ഞ ദിവസം ഹരജി പരിഗണിച്ച കോടതി വ്യക്തമാക്കിയിരുന്നു. സ്വര്‍ണ്ണകക്കൊള്ള കേസില്‍ ഇതുവരെ നാലു പ്രതികളാണ് ജാമ്യം നേടി പുറത്തിറങ്ങിയത്.  ഒന്നാം പ്രതി ഉണ്ണികൃഷ്ണന്‍ പോറ്റിയടക്കം മൂന്നു പ്രതികള്‍ക്കും സ്വാഭാവിക ജാമ്യം തന്നെയാണ് ലഭിച്ചിരുന്നത്. 

ALSO READ: ആഗോള അയ്യപ്പ സംഗമം: ദേവസ്വം ബോര്‍ഡിന് 3.4 കോടിയുടെ നഷ്ടമുണ്ടാക്കിയെന്ന് ഓഡിറ്റ് റിപ്പോര്‍ട്ട്, നഷ്ടം 3.4 കോടി; എസ്.ഐ.ടി അന്വേഷണം 

അതേസമയം ശബരിമല സ്വര്‍ണ്ണക്കൊള്ള കേസില്‍ പ്രതിയായ മുന്‍ ദേവസ്വം സെക്രട്ടറി ജയശ്രീ സമര്‍പ്പിച്ച മുന്‍കൂര്‍ ജാമ്യാപേക്ഷ ഇന്ന് സുപ്രിം കോടതി പരിഗണിക്കുന്നുണ്ട്. ജസ്റ്റിസ് ദീപാങ്കര്‍ ദത്ത അധ്യക്ഷനായ ബെഞ്ചാണ് ഹരജി പരിഗണിക്കുന്നത്. ആരോഗ്യകാരണങ്ങള്‍ കണക്കിലെടുത്ത് മുന്‍കൂര്‍ ജാമ്യം വേണമെന്നാണ് ജയശ്രീയുടെ ആവശ്യം.

former devaswom commissioner and president n vasu granted default bail by kollam vigilance court in sabarimala gold smuggling case after 90 days of remand and delay in filing chargesheet.