ഡൽഹി: പശ്ചിമേഷ്യയിൽ സംഘർഷം തുടരുന്നതിനിടെ ഇന്ധനവില വർധിപ്പിച്ച് ഷെൽ ഇന്ത്യ. പുതുക്കിയ പെട്രോൾ, ഡീസൽ വില ഇന്നലെ (ഏപ്രിൽ 1) മുതൽ പ്രാബല്യത്തിൽ വന്നു. 

ബെം​ഗളൂരുവിൽ, പെട്രോൾ വില ലിറ്ററിന് 7.41 രൂപയാണ് വർധിപ്പിച്ചത്. ഇതോടെ സാധാരണ പെട്രോളിന്റെ വില 119.85 രൂപയായി മാറി. 129.85 രൂപയാണ് പവർ പെട്രോളിന് വില. അതേസമയം, ഡീസലിന്  ലിറ്ററിന് 123 രൂപയും, പ്രീമിയം ഡീസൽ ലിറ്ററിന് 133 രൂപയുമായി ഉയർന്നു. അന്താരാഷ്ട്ര വിപണിയിൽ എണ്ണ വില വർധിച്ചതാണ് ആഭ്യന്തര വിപണിയിലും പ്രതിഫലിച്ചിരിക്കുന്നത്.

ALSO READ: ഏപ്രിൽ 15 മുതൽ ഭാഗിക ലോക്ഡൗൺ? പ്രചരിക്കുന്നത് വ്യാജ വാർത്ത; സത്യാവസ്ഥ ഇങ്ങനെ!

പശ്ചിമേഷ്യൻ സംഘർഷാവവസ്ഥയുടെ പശ്ചാതലത്തിൽ നേരത്തെ പ്രമുഖ കമ്പനിയായ നയാര എനർജിയും പെട്രോൾ, ഡീസൽ വില വർധിപ്പിച്ചിരുന്നു. പെട്രോൾ ലിറ്ററിന് അഞ്ച് രൂപയും ഡീസലിന് മൂന്ന് രൂപയുമായിരുന്നു വർധിപ്പിച്ചത്. മാർച്ച് 26 മുതൽ നയാരയുടെ എല്ലാ പമ്പുകളിലും പുതുക്കിയ നിരക്ക് നിലവിൽ വന്നിരുന്നു. 

Shell India has increased petrol and diesel prices, effective April 1, citing rising global crude oil prices due to escalating tensions in West Asia. Petrol now costs ₹119.85 per litre, while diesel is priced at ₹123 per litre.