റിയാദ്: ഫുട്‌ബോൾ ഇതിഹാസം ക്രിസ്റ്റിയാനോ റൊണാൾഡോ കളിക്കുന്ന സൗദിയിലെ അൽനസർ ക്ലബ്ബിന്റെ ബ്രസീലിയൻ വനിതാ താരം കാത്‌ലീൻ സൂസ ഇസ്‌ലാം മതം സ്വീകരിച്ചു. വിശുദ്ധ റമദാൻ മാസത്തെ വരവേൽക്കാൻ താൻ തയ്യാറെടുക്കുകയാണെന്നും താരം അറിയിച്ചു. സ്പെയിനിലെ കരുത്തരായ റയൽ മാഡ്രിഡിൽ നിന്നും കഴിഞ്ഞ സീസണിലാണ് താരം സൗദിയിലെ പ്രൊ ലീഗിൽ കളിക്കാൻ എത്തിയത്. സെന്റർ ബാക്കായി കളിക്കുന്ന താരം ഏഴു തവണ ക്ലബ്ബിന് വേണ്ടി ജഴ്സി അണിഞ്ഞു. റയലിനു വേണ്ടി 44 തവണയും ബ്രസീൽ ദേശീയ ടീമിനായി 30 തവണയും പന്ത് തട്ടിയിട്ടിട്ടുണ്ട്. 

'ഞാൻ ശരിയായ പാത കണ്ടെത്തി' എന്ന അടിക്കുറിപ്പോടെ മക്കയിലെ വിശുദ്ധ ഹറമിന് മുന്നിൽ ഹിജാബ് ധരിച്ചു നിൽക്കുന്ന ചിത്രങ്ങൾ കാത്‌ലീൻ സൂസ തന്നെ തന്റെ എക്സ് (ട്വിറ്റർ) അക്കൗണ്ടിലൂടെ പങ്കുവെച്ചു. "ചെറിയ ചുവടുവെപ്പുകൾ, ഞാൻ ശരിയായ പാത കണ്ടെത്തി. ഞാൻ മാറ്റം ആഗ്രഹിക്കുന്നു," -താരം ട്വീറ്റ്‌ ചെയ്തു. സോഷ്യൽ മീഡിയയിൽ നിമിഷനേരം കൊണ്ട് വൈറലായ പോസ്റ്റിന് ഇതിനോടകം ലക്ഷക്കണക്കിന് വ്യൂസും ആയിരക്കണക്കിന് ലൈക്കുകളുമാണ് ലഭിച്ചിരിക്കുന്നത്.

 പ്രിയതാരത്തിന്റെ ഇസ്‌ലാം ആശ്ലേഷണം ക്ലബ്ബ് ഔദ്യോഗികമായി സ്ഥിരീകരിച്ചു. ഇതിന്റെ വീഡിയോ ദൃശ്യങ്ങൾ ക്ലബ്ബ് തങ്ങളുടെ സോഷ്യൽ മീഡിയ പ്ലാറ്റ്‌ഫോമുകളിലൂടെ പുറത്തുവിട്ടു.

"ഞങ്ങളുടെ താരം കാത്‌ലീൻ സൂസയുടെ ജീവിതത്തിലെ ഈ സവിശേഷ നിമിഷം ഞങ്ങൾ സന്തോഷത്തോടെ പങ്കുവെക്കുന്നു. അവർക്ക് ഹൃദയത്തിൽ സമാധാനവും ശാന്തിയും ലഭിക്കട്ടെയെന്ന് പ്രാർത്ഥിക്കുന്നു," - ക്ലബ്ബ് ഔദ്യോഗിക കുറിപ്പിൽ വ്യക്തമാക്കി.

തന്റെ പുതിയ ജീവിത സാഹചര്യത്തെക്കുറിച്ച് കാത്‌ലീൻ വീഡിയോയിൽ പ്രതികരിച്ചത് ഇങ്ങനെയാണ്: "ഞാൻ ശരിയായ പാത കണ്ടെത്താനും എന്റെ ജീവിതത്തിലെ ഏറ്റവും മികച്ച പതിപ്പായി മാറാനും ശ്രമിക്കുകയായിരുന്നു. അത്രമാത്രം."

മുമ്പ് മുൻനിര യൂറോപ്യൻ ലീഗുകളിൽ തിളങ്ങിയ കാത്‌ലീൻ, സൗദിയിലെ പ്രൊഫഷണൽ ഫുട്‌ബോൾ രംഗത്ത് മികച്ച പ്രകടനമാണ് കാഴ്ചവെക്കുന്നത്. 

Kathellen Sousa, the prominent Brazilian defender for the Saudi club Al-Nassr FC (the same club as Cristiano Ronaldo) and former Real Madrid player, has officially announced her conversion to Islam.

The Announcement: Sousa shared her spiritual journey on X (formerly Twitter), posting photos of herself wearing a hijab at the Holy Mosque in Makkah.