കടമ്പനാട്: പത്തനംതിട്ടയില്‍ സ്വകാര്യ സ്‌കൂള്‍ ജീവനക്കാരി ജിവനൊടുക്കിയതുമായി ബന്ധപ്പെട്ട് യൂത്ത് കോണ്‍ഗ്രസ് സംസ്ഥാന സെക്രട്ടറിയെ പൊലിസ് അറസ്റ്റ് ചെയ്തു. കൊല്ലം പോരുവഴി, മയ്യത്തുംകര അര്‍ത്തിയില്‍ വീട്ടില്‍ സുഹൈല്‍ അന്‍സാരിയാണ് (33) അറസ്റ്റിലായത്. 

കടമ്പനാട് സ്വദേശിനിയായ സ്വകാര്യ സ്‌കൂള്‍ ജീവനക്കാരിയാണു ജീവനൊടുക്കിയത്. ഈ മാസം പതിനാലാം തിയ്യതിയാണ് ഇവരെ മരിച്ച നിലയില്‍ കണ്ടെത്തിയത്. വീട്ടില്‍ നിന്നു കണ്ടെടുത്ത ആത്മഹത്യാ കുറിപ്പില്‍ സുഹൈല്‍ ശല്യപ്പെടുത്തുന്നതായും ഫോണിലൂടെ മാനസികമായി പീഡിപ്പിക്കുന്നതായും പരാമര്‍ശമുണ്ടെന്നാണ് സൂചന.

സ്വകാര്യ സ്‌കൂളില്‍ പി.ആര്‍.ഒ ആയി ജോലി ചെയ്തിരുന്ന സുഹൈലും റിസപ്ഷനിസ്റ്റായി ജോലി ചെയ്യുകയായിരുന്ന യുവതിയും പരിചയക്കാരായിരുന്നു. സുഹൈലുമായുള്ള ബന്ധത്തെ ചൊല്ലി യുവതിയെ ഭര്‍ത്താവ് ചോദ്യം ചെയ്തിരുന്നു. ഇതിന് പിന്നാലെയാണ് യുവതിയുടെ ആത്മഹത്യ. 

A Youth Congress state secretary has been arrested in connection with the suicide of a young woman in Kadampanad, Pathanamthitta district. The accused, Suhail Ansari (33), a native of Poruvazhy in Kollam, was taken into custody by the police.