സോള്‍: ദക്ഷിണ കൊറിയന്‍ മുന്‍ പ്രസിഡന്റ് യൂന്‍ സൂക് യോളിന് ജീവപര്യന്തം. രാജ്യത്ത് പട്ടാളനിയമം പ്രഖ്യാപിച്ചതുമായി ബന്ധപ്പെട്ട കലാപക്കേസിലാണ് ശിക്ഷ.യോളിന് വധശിക്ഷ നല്‍കണമെന്നാണ് പ്രോസിക്യൂഷന്‍ ആവശ്യപ്പെട്ടിരുന്നത്. സിയോള്‍ സെന്‍ട്രല്‍ ഡിസ്ട്രിക്റ്റ് കോടതിയിലെ 417-ാം നമ്പര്‍ കോടതി മുറിയില്‍ വെച്ചായിരുന്നു വിധിപ്രസ്താവം.

2024 ഡിസംബറിലാണ് ഒരു ടെലിവിഷന്‍ പ്രസംഗത്തില്‍ യൂന്‍ അപ്രതീക്ഷിതമായി സൈനികനിയമം പ്രഖ്യാപിക്കുന്നത്. 'രാഷ്ട്രവിരുദ്ധ ശക്തികളെ' വേരോടെ പിഴുതെറിയാന്‍ അടിയന്തര നടപടികള്‍ ആവശ്യമാണെന്ന് പറഞ്ഞായിരുന്നു പ്രഖ്യാപനം.  65 വയസ്സുള്ള യൂനിനെ   പിന്നീട് പുറത്താക്കുകയും അറസ്റ്റ് ചെയ്യുകയും കലാപം മുതല്‍ നീതിനിഷേധം വരെയുള്ള നിരവധി കുറ്റങ്ങളില്‍ പ്രതിചേര്‍ക്കുകയും ചെയ്തിരുന്നു. 

ALSO READ: 'ഇറാന്‍ ബുദ്ധിപൂര്‍വ്വം തീരുമാനമെടുക്കണം, ഇല്ലെങ്കില്‍...' ഭീഷണിയുമായി വീണ്ടും യു.എസ്; നീക്കം റഷ്യയുമായി സംയുക്ത നാവിക അഭ്യാസം പ്രഖ്യാപിച്ചതിന് പിന്നാലെ

മൂന്ന് പതിറ്റാണ്ട് മുമ്പ് സൈനിക സ്വേച്ഛാധിപതി ചുന്‍ ഡൂ-ഹ്വാന് വധശിക്ഷ വിധിച്ച അതേ കോടതി മുറിയില്‍ വെച്ചാണ് യുന്‍ സുക് യോളിന്റെ വിധി പറയുന്നത് എന്ന പ്രത്യേകതയുണ്ട്. ചുന്‍ ഡൂ-ഹ്വാന്റെ മേല്‍ ചുമത്തിയ അതേ കുറ്റങ്ങള്‍ തന്നെയാണ് യോളിനെതിരെയും ചുമത്തിയിരിക്കുന്നത്. 

ദക്ഷിണ കൊറിയയില്‍ വധശിക്ഷയ്ക്ക് അനൗപചാരികമായ ഒരു നിരോധനം നിലവിലുണ്ട്. 1997 ലാണ് അവസാനമായി വധശിക്ഷ നടപ്പാക്കിയത്. യൂനിന്റെ ഭാര്യ കിം കിയോണ്‍-ഹീയെ, പ്രഥമ വനിതയായിരുന്നപ്പോള്‍ മോട്ടോഴ്സ് ഓഹരികളില്‍ കൃത്രിമം കാണിച്ചതിനും നിയമവിരുദ്ധ രാഷ്ട്രീയ സഹായം നല്‍കിയതിനും ആഡംബര സമ്മാനങ്ങള്‍ സ്വീകരിച്ചതിനും തടവിലാണ്. മുന്‍ പ്രസിഡന്റിനെയും ഭാര്യയെയും ഒരേസമയം ജയിലിലടച്ചത് ദക്ഷിണ കൊറിയയുടെ രാഷ്ട്രീയ ചരിത്രത്തിലെ അപൂര്‍വ സംഭവമാണ്.

former south korean president yoon suk yeol has been sentenced to life imprisonment for declaring martial law in december 2024.