തിരുവനന്തപുരം: നെടുമങ്ങാട് ചികിത്സാപിഴവിനെ തുടര്‍ന്ന് നവജാത ശിശു മരിച്ച സംഭവത്തില്‍ പ്രതിഷേധക്കാര്‍ക്കെതിരെ കേസെടുത്ത് പൊലിസ്. ആശുപത്രി സൂപ്രണ്ടിന്റെ പരാതിയിലാണ് കണ്ടാലറിയാവുന്ന ഒരുകൂട്ടം ആള്‍ക്കാര്‍ക്കെതിരെ കേസ് രജിസ്റ്റര്‍ ചെയ്തത്. 

ചികിത്സാ പിഴവ് ആരോപിച്ച് പ്രതിഷേധക്കാര്‍ ഓഫീസിലേക്ക് അതിക്രമിച്ച് കയറിയെന്നും, കയ്യേറ്റം ചെയ്യെന്നും സൂപ്രണ്ട് നല്‍കിയ പരാതിയില്‍ പറയുന്നു. ആശുപത്രിയുടെ പ്രവര്‍ത്തനം തടസപ്പെടുത്താന്‍ ശ്രമിച്ചെന്നും ആരോപണമുണ്ട്. നെടുമങ്ങാട് എസ്.ഐ മുഹ്‌സിന്‍ മുഹമ്മദിനാണ് അന്വേഷണച്ചുമതല. 

ALSO READ: മൈക്രോഫിനാൻസ് കേസ്; വെള്ളാപ്പള്ളി നടേശനെ വിജിലൻസ് ചോദ്യം ചെയ്തു

പാലോട് സ്വദേശിനി നിരഞ്ജനയുടെയും ബിനിലിന്റെയും കുഞ്ഞാണ് കഴിഞ്ഞ ദിവസം പ്രസവ ശസ്ത്രക്രിയക്കിടെ മരിച്ചത്. ഡോ ബിന്ദു സുന്ദറിന്റെ നേതൃത്വത്തിലായിരുന്നു സിസേറിയന്‍. ഇവര്‍ക്കെതിരെ ചികിത്സാപിഴവിന് മുന്‍പും ആരോപണമുയര്‍ന്നിരുന്നു. സംഭവത്തിന് പിന്നാലെ ആരോഗ്യവകുപ്പ് ഡയറക്ടര്‍ നടത്തിയ അന്വേഷണത്തില്‍ ഡോക്ടര്‍ക്കെതിരെ കുറ്റം തെളിയുകയും നടപടി സ്വീകരിക്കുകയും ചെയ്തിരുന്നു. 

അതേസമയം സംഭവത്തില്‍ കോണ്‍ഗ്രസിന്റെ നേതൃത്വത്തില്‍ ആശുപത്രിക്ക് മുന്‍പില്‍ വലിയ പ്രതിഷേധമാണ് നടത്തിയത്. ബിന്ദു സുന്ദറിന്റെ കാര്‍ പ്രവര്‍ത്തകര്‍ തടഞ്ഞു. പിന്നാലെ പൊലിസെത്തിയാണ് ഡോക്ടറെ സംഭവ സ്ഥലത്ത് നിന്ന് തിരികെ ആശുപത്രിയില്‍ എത്തിച്ചത്. 

police have filed a case against protesters following the death of a newborn due to medical negligence in nedumangad. the case was registered based on a complaint from the hospital superintendent against a group of identifiable individuals.