ദുബൈ: മധ്യപൂർവേഷ്യയിലെ സംഘർഷങ്ങളെത്തുടർന്ന് തടസ്സപ്പെട്ട ദുബൈയിലെ വിമാന സർവീസുകൾ ഭാഗികമായി പുനരാരംഭിക്കുന്നു. ഇന്ന്  വൈകുന്നേരം മുതൽ ദുബൈ ഇന്റർനാഷണൽ (DXB), ദുബൈ വേൾഡ് സെൻട്രൽ (DWC) എന്നീ വിമാനത്താവളങ്ങളിൽ നിന്ന് പരിമിതമായ തോതിൽ സർവീസുകൾ നടത്തുമെന്ന് അധികൃതർ വ്യക്തമാക്കി.

ദുബൈ ഗവൺമെന്റ് മീഡിയ ഓഫീസ് പുറത്തിറക്കിയ പ്രസ്താവന പ്രകാരം, തെരഞ്ഞെടുത്ത വിമാനങ്ങൾക്ക് മാത്രമാണ് നിലവിൽ പ്രവർത്തനാനുമതി നൽകിയിരിക്കുന്നത്. വ്യോമാതിർത്തിയിലെ നിയന്ത്രണങ്ങൾക്കിടയിൽ സുരക്ഷാ മാനദണ്ഡങ്ങൾ പാലിച്ചുകൊണ്ടാണ് ഈ നീക്കം.

ALSO READ: കൊച്ചിയിലേക്കും മുംബൈയിലേക്കുമുള്ള പ്രത്യേക സർവീസുകൾ പുനരാരംഭിച്ച് ഇത്തിഹാദ് എയർവേയ്സ് 

യാത്രക്കാർ ശ്രദ്ധിക്കേണ്ട കാര്യങ്ങൾ

• വിമാനത്താവളത്തിലേക്ക് പോകരുത്: എയർലൈനിൽ നിന്ന് നേരിട്ട് സ്ഥിരീകരണം ലഭിക്കാത്ത യാത്രക്കാർ ഒരു കാരണവശാലും ഡിഎക്സ്ബി (DXB) അല്ലെങ്കിൽ ഡിഡബ്ല്യുസി (DWC) വിമാനത്താവളങ്ങളിലേക്ക് എത്തരുത്.
• സ്ഥിരീകരണം നിർബന്ധം: വിമാനം പുറപ്പെടുന്ന സമയം സംബന്ധിച്ച് എയർലൈനിൽ നിന്ന് നേരിട്ടുള്ള അറിയിപ്പ് ലഭിച്ചവർക്ക് മാത്രമേ വിമാനത്താവളത്തിലേക്ക് പ്രവേശനം അനുവദിക്കൂ.
• അപ്‌ഡേറ്റുകൾ ശ്രദ്ധിക്കുക: യാത്രയ്ക്ക് മുൻപായി എയർലൈനുകളുടെ വെബ്‌സൈറ്റോ കസ്റ്റമർ കെയറോ വഴി വിമാനത്തിന്റെ നിലവിലെ സ്ഥിതി പരിശോധിക്കേണ്ടതാണ്.

മേഖലയിലെ പ്രത്യേക സാഹചര്യങ്ങൾ നിരീക്ഷിച്ചുവരികയാണെന്നും വരും മണിക്കൂറുകളിൽ കൂടുതൽ സർവീസുകൾ പുനരാരംഭിക്കാൻ കഴിയുമെന്നാണ് പ്രതീക്ഷിക്കുന്നതെന്നും വിമാനത്താവള അധികൃതർ വ്യക്തമാക്കി.

dubai international airport has reopened and resumed partial flight operations following temporary disruption. authorities issued strict travel guidelines for passengers, urging early arrival and compliance with safety procedures as airlines gradually restore scheduled services.