അഹമ്മദബാദ്: തുടർച്ചയായ രണ്ടാം തവണയും ടി20 ലോകകപ്പ് കിരീടം നിലനിർത്തി ഇന്ത്യ ചരിത്രം കുറിച്ചിരിക്കുകയാണ്. ഇതിന് പിന്നാലെ 2026 ടി20 ലോകകപ്പിലെ ടീം ഓഫ് ദി ടൂർണമെന്റ് പ്രഖ്യാപിച്ചിരിക്കുകയാണ് ഐസിസി. മുൻ താരങ്ങളായ ഇയാൻ ബിഷപ്പ്, ഇയോയിൻ മോർഗൻ എന്നിവരടങ്ങുന്ന സമിതി തിരഞ്ഞെടുത്ത ടീമിൽ നാല് ഇന്ത്യൻ താരങ്ങളാണ് ഉള്ളത്. 

ടൂർണമെന്റിലെ താരമായി തിരഞ്ഞെടുക്കപ്പെട്ട മലയാളി താരം സഞ്ജു സാംസൺ തന്നെയാണ് ഐസിസി ടീമിലെ വിക്കറ്റ് കീപ്പറും ഓപ്പണറും. അഞ്ച് മത്സരങ്ങളിൽ നിന്ന് 321 റൺസ് നേടിയ സഞ്ജു, സെമിയിലും ഫൈനലിലും നിർണ്ണായക പ്രകടനം കാഴ്ചവെച്ചിരുന്നു. ഇന്ത്യയുടെ ഇഷാൻ കിഷൻ (317 റൺസ്), ഓൾറൗണ്ടർ ഹാർദിക് പാണ്ഡ്യ (217 റൺസ്, 9 വിക്കറ്റ്), സ്റ്റാർ പേസർ ജസ്പ്രിത് ബുംറ (14 വിക്കറ്റ്) എന്നിവരും ടീമിലുണ്ട്. ഫൈനലിലെ മാൻ ഓഫ് ദി മാച്ച് കൂടിയായിരുന്നു ബുംറ.

ALSO READ: ഗണേഷ് കുമാറിനെതിരായ ഭാര്യയുടെ വെളിപ്പെടുത്തൽ: എംഎൽഎ ഓഫിസിലേക്ക് മാർച്ചുമായി ബിജെപി; പത്തനാപുരത്ത് പൊലിസും പ്രവർത്തകരും തമ്മിൽ ഉന്തും തള്ളും

മറ്റ് പ്രധാന താരങ്ങൾ

ദക്ഷിണാഫ്രിക്കൻ നായകൻ എയ്ഡൻ മാർക്രം നയിക്കുന്ന ടീമിൽ പാകിസ്ഥാന്റെ ടോപ് സ്കോറർ സാഹിബ്‌സാദ ഫർഹാൻ സഞ്ജുവിനൊപ്പം ഓപ്പണറായി എത്തും. ഇംഗ്ലണ്ടിന്റെ വിൽ ജാക്‌സ്, വെസ്റ്റ് ഇൻഡീസിന്റെ ജേസൺ ഹോൾഡർ, ദക്ഷിണാഫ്രിക്കയുടെ ലുങ്കി എൻഗിഡി എന്നിവരും ടീമിലിടം നേടിയിട്ടുണ്ട്.

സിംബാബ്‌വെയുടെ മുന്നേറ്റത്തിന് കരുത്തായ ബ്ലെസിംഗ് മുസർബാനി, ഇംഗ്ലണ്ടിന്റെ ആദിൽ റഷീദ് എന്നിവരും മികച്ച 11 പേരിൽ ഇടം നേടി. അമേരിക്കയുടെ ഷാഡ്‌ലി വാൽ ഷാൽക്വിക് ആണ് ടീമിലെ പന്ത്രണ്ടാമൻ.

ഐസിസി തിരഞ്ഞെടുത്ത ലോകകപ്പ് ടീം:

സാഹിബ്‌സാദ ഫർഹാൻ, സഞ്ജു സാംസൺ (വിക്കറ്റ് കീപ്പർ), ഇഷാൻ കിഷൻ, എയ്ഡൻ മാർക്രം (ക്യാപ്റ്റൻ), ഹാർദിക് പാണ്ഡ്യ, വിൽ ജാക്സ്, ജേസൺ ഹോൾഡർ, ജസ്പ്രിത് ബുംറ, ലുങ്കി എൻഗിഡി, ആദിൽ റഷീദ്, ബ്ലെസിംഗ് മുസർബാനി. ഷാഡ്‌ലി വാൻ ഷാൽക്വിക് (12-ാമൻ).

Following India's historic back-to-back T20 World Cup title win, the ICC has officially unveiled the "Team of the Tournament" for 2026. Selected by an expert panel including legends Ian Bishop and Eoin Morgan, the lineup features four standout Indian stars.