ന്യൂഡൽഹി: ട്രെയിൻ യാത്രയ്ക്കിടെ സീറ്റിനെച്ചൊല്ലിയുണ്ടായ തർക്കം ജാതി അധിക്ഷേപത്തിലേക്കും പരസ്യമായ കൈയേറ്റത്തിലേക്കും നീങ്ങിയതിന്റെ ഞെട്ടിക്കുന്ന ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നു. ദീർഘനേരം അധിക്ഷേപങ്ങൾ സഹിച്ച യുവാവ് ഒടുവിൽ യുവതിയെ മർദ്ദിക്കുന്നതാണ് വീഡിയോയിലുള്ളത്. സംഭവത്തെ അനുകൂലിച്ചും പ്രതികൂലിച്ചും സോഷ്യൽ മീഡിയയിൽ വലിയ വാദപ്രതിവാദങ്ങളാണ് നടക്കുന്നത്.

തർക്കത്തിന്റെ തുടക്കം

ട്രെയിൻ കോച്ചിൽ സീറ്റ് പങ്കുവെക്കുന്നതുമായി ബന്ധപ്പെട്ടാണ് തർക്കം ഉടലെടുത്തത്. സഹയാത്രികനായ യുവാവിനോട് യുവതി ഉച്ചത്തിൽ സംസാരിക്കുന്നതും തർക്കിക്കുന്നതും വീഡിയോയിൽ കാണാം. തർക്കം രൂക്ഷമായതോടെ കയ്യിലുണ്ടായിരുന്ന ചെരിപ്പെടുത്ത് യുവാവിനെ അടിക്കുമെന്ന് യുവതി ഭീഷണിപ്പെടുത്തി. എന്നാൽ തുടക്കത്തിൽ യുവാവ് ശാന്തനായിരിക്കാനും പ്രശ്നങ്ങളിൽ നിന്ന് ഒഴിഞ്ഞുമാറാനും ശ്രമിക്കുന്നത് ദൃശ്യങ്ങളിൽ വ്യക്തമാണ്.

A video showing a heated altercation between a woman and a young man inside an Indian Railways train has surfaced on social media, sparking debate online.

According to the video, the woman passenger was allegedly arguing with and repeatedly taunting the young man for a prolonged… pic.twitter.com/MCQHBXzli7

— Hate Detector 🔍 (@HateDetectors) March 13, 2026

ജാതി അധിക്ഷേപവും പ്രകോപനവും

യുവാവിന്റെ ഭാര്യയെ തർക്കത്തിലേക്ക് വലിച്ചിഴച്ചതോടെയാണ് സ്ഥിതി വഷളായത്. താൻ 'പണ്ഡിറ്റ്' ആണെന്ന് അവകാശപ്പെട്ട യുവതി, യുവാവിനെതിരെ 'ചമാർ' എന്ന് വിളിച്ച് ആവർത്തിച്ച് ജാതി അധിക്ഷേപം നടത്തി. തന്റെ കുടുംബത്തിന്റെ ഉയർന്ന സാമൂഹിക നിലയെക്കുറിച്ചും മകൻ എൻജിനീയറാണെന്നും ഭർത്താവ് സൂപ്പർവൈസറാണെന്നും പറഞ്ഞ് യുവതി യുവാവിനെ തരംതാഴ്ത്തി സംസാരിച്ചു.

യാതൊരു പ്രകോപനവുമില്ലാതെ ജാതി പറഞ്ഞ് ആക്ഷേപിച്ചതും ഭാര്യയെ അധിക്ഷേപിച്ചതും യുവാവിനെ പ്രകോപിപ്പിച്ചു. ഒടുവിൽ നിയന്ത്രണം വിട്ട യുവാവ് യുവതിയുടെ മുഖത്ത് തുടരെ അടിക്കുകയായിരുന്നു.

സോഷ്യൽ മീഡിയയിലെ പ്രതികരണങ്ങൾ

വീഡിയോ വൈറലായതോടെ വലിയ രീതിയിലുള്ള പ്രതികരണങ്ങളാണ് ഉയരുന്നത്.യുവാവിനെ പിന്തുണയ്ക്കുന്നവർ ജാതി അധിക്ഷേപം നിയമപരമായി തെറ്റാണെന്നും ഒരാളുടെ ആത്മാഭിമാനത്തെ ചോദ്യം ചെയ്താൽ പ്രതികരിച്ചുപോകുമെന്നും ഇവർ വാദിക്കുന്നു.യുവാവിനെ വിമർശിക്കുന്നവർ പ്രകോപനം എന്തുതന്നെയായാലും ഒരു സ്ത്രീയെയോ പുരുഷനെയോ ശാരീരികമായി ഉപദ്രവിക്കുന്നത് അംഗീകരിക്കാനാവില്ലെന്ന് ഇവർ ചൂണ്ടിക്കാട്ടുന്നു.

അധികൃതരുടെ നിലപാട്

സംഭവം നടന്ന ട്രെയിനോ സ്ഥലമോ സംബന്ധിച്ച് ഇതുവരെ ഔദ്യോഗിക സ്ഥിരീകരണം ലഭിച്ചിട്ടില്ല. റെയിൽവേ അധികൃതർക്കോ പൊലിസിനോ ഇതുവരെ പരാതി ലഭിച്ചതായും വിവരമില്ല. എന്നാൽ വീഡിയോ വ്യാപകമായി പ്രചരിക്കുന്ന സാഹചര്യത്തിൽ റെയിൽവേ പൊലിസ് (GRP) അന്വേഷണം നടത്തിയേക്കുമെന്നാണ് സൂചന.