എറണാകുളം: പ്രതിപക്ഷ നേതാവ് വി.ഡി സതീശനെതിരെ എറണാകൂളം ഡി.സി.സിക്ക് സമീപത്തായി ഫഌക്‌സുകള്‍. വി.ഡി സതീശനെതിരെ രൂക്ഷമായി വിമര്‍ശിച്ചും, രമേശ് ചെന്നിത്തലയെ അനുകൂലിച്ചുമാണ് ഫഌക്‌സലുള്ളത്.  പിആര്‍ വര്‍ക്കിന്റെ ബലത്തില്‍ രമേശ് ചെന്നിത്തലയെ പോലുള്ള മുതിര്‍ന്ന നേതാക്കളെ താറടിച്ച് മുഖ്യമന്ത്രി ആകാനുള്ള വി.ഡി സതീശന്റെ മോഹം വിലപ്പോകില്ലെന്നാണ് ഫ്‌ളക്‌സില്‍ പറയുന്നത്. ഇന്ത്യന്‍ നാഷണല്‍ കോണ്‍ഗ്രസ് ഫാമിലി എന്ന പേരിലാണ് ഫ്‌ളക്‌സ് പ്രത്യക്ഷപ്പെട്ടത്.

ഡി.സി.സി ഓഫിസിന് സമീപത്തായി രണ്ട് ഫഌക്‌സുകളാണ് പ്രത്യക്ഷപ്പെട്ടിട്ടുള്ളത്. വി.ഡി സതീശന്റെ പിആര്‍ പണി അവസാനിപ്പിക്കണമെന്നും കോണ്‍ഗ്രസ് മുഖ്യമന്ത്രിയെ ഹൈക്കമാന്‍ഡ് തീരുമാനിക്കുമെന്നും പോസ്റ്ററില്‍ എഴുതിയിട്ടുണ്ട്. 

സംസ്ഥാനത്ത് വോട്ടെടുപ്പ് മുന്‍പ് തന്നെ യുഡിഎഫില്‍ മുഖ്യമന്ത്രി ചര്‍ച്ചകള്‍ സജീവമായിരുന്നു. എന്നാല്‍ വോട്ടെടുപ്പ് കഴിഞ്ഞതോടെ പരസ്യ പ്രസ്താവനകള്‍ പ്രത്യക്ഷപ്പെട്ട് തുടങ്ങി. കെസി വേണുഗോപാല്‍, രമേശ് ചെന്നിത്തല, വി.ഡി സതീശന്‍ തുടങ്ങിയവര്‍ക്കായി അണികളും, പ്രാദേശിക നേതാക്കളും രംഗത്തുവന്നു. ഇതോടെ വിഷയം വലിയ ചര്‍ച്ചകള്‍ക്കും ട്രോളുകള്‍ക്കും കാരണമായി. ഫലം വരുന്നതിന് മുന്‍പ് തന്നെ യുഡിഎഫില്‍ മുഖ്യമന്ത്രി കസേരക്കായി അടി തുടങ്ങിയെന്ന തരത്തില്‍ വിമര്‍ശനം വ്യാപകമായി. 

മുഖ്യമന്ത്രി എറണാകുളത്ത് നിന്നുള്ള ആളാവണമെന്ന് പറഞ്ഞ് ഡിസിസി പ്രസിഡന്റ് മുഹമ്മദ് ഷിയാസാണ് ചര്‍ച്ചക്ക് തുടക്കമിട്ടത്. പിന്നാലെ ഇത് തള്ളി എം. ലിജു രംഗത്തെത്തി. കെ.സി വേണുഗോപാലിന് പിന്തുണയുമായി കെ സുധാകരനും രംഗത്തെത്തിയതോടെ ചര്‍ച്ച ആളിക്കത്തി. ഇതിനിടെ രമേശ് ചെന്നിത്തലയെ പിന്തുണച്ചും ചര്‍ച്ചകള്‍ സജീവമായതോടെ വിഷയത്തില്‍ കെപിസിസി നേരിട്ട് ഇടപെടുകയായിരുന്നു.

A provocative flex board has appeared near the Ernakulam District Congress Committee (DCC) office, targeting an unnamed leader for using "PR work" to tarnish the reputation of senior colleagues.