വാഴയൂര്‍:  ചെങ്കല്ലുമായി പോകുകയായിരുന്ന മിനി  ലോറി നിയന്ത്രണം വിട്ട് മതിലിലിടിച്ച് ഡ്രൈവര്‍ക്ക് ദാരുണാന്ത്യം. മൂളപ്പുറം തെക്കെത്തൊടി പരേതനായ ചെള്ളിയുടെ മകന്‍ ഗംഗാധരന്‍ (48) ആണ് മരണപ്പെട്ടത്. കക്കോവ് വലിയതടം മലയില്‍ നിന്നും ചെങ്കല്ല് ലോഡുമായി വന്ന മിനി ലോറിയാണ്  വട്ടന്‍ഞ്ചീരിപുറായില്‍ നിന്നും നിയന്ത്രണം വിട്ട് മതിലിലിടിച്ചത്.

വാഹനം ജെ.സി.ബി എത്തി പിറകോട്ട് വലിച്ച് വെട്ടിതുറന്നാണ് ഡ്രൈവറെ പുറത്തെടുത്തത്. കൂടെ ഉണ്ടായിരുന്ന ലോഡിംഗ് തൊഴിലാളി ചാടി രക്ഷപ്പെട്ടു.

മാതാവ്: പരേതയായ കുഞ്ഞിലക്ഷ്മി. ഭാര്യ: സുധ, മക്കള്‍: ആദര്‍ശ്, അവിനാശ്. സഹോദരങ്ങള്‍: ഹരിദാസന്‍, മുരളി, അമ്പിക, ശ്രീമതി.

പോസ്റ്റ്‌മോര്‍ട്ടം നടപടികള്‍ക്ക് ശേഷം നാളെ ഉച്ചയോടെ മൃതദേഹം വീട്ടുവളപ്പില്‍ സംസ്‌ക്കരിക്കും.